انڈین اداکار سونو سود کا بلاک ہونے والا واٹس ایپ اکاؤںٹ تقریبا 61 گھنٹوں بعد بحال ہوگیا ہے۔سونو سود نے فوٹو اینڈ ویڈیو شیئرنگ پلیٹ فارم انسٹاگرام پر اپنی سٹوریز لگائیں جس میں انہوں نے انکشاف کیا کہ اُن کا واٹس ایپ اکاؤنٹ بند ہوگیا ہے۔سونو سود نے گزشتہ روز انسٹاگرام پر اپنی سٹوری میں لکھا کہ ’ابھی تک میرا اکاؤنٹ نہیں چل رہا۔ اب کچھ کرنے کا وقت آگیا ہے۔ 36 گھنٹوں سے بھی زائد کا وقت گزر گیا ہے۔ مجھے انسٹاگرام پر براہ راست میسج کریں۔ مدد کے لیے سیکڑوں لوگ (واٹس ایپ) پر میسج کر رہے ہوں گے۔‘اس کے بعد اداکار نے سٹوری لگائی کہ ’کیا ہوگیا ہے واٹس ایپ۔ نیند سے اٹھ جاؤ۔ ہزاروں کی تعداد میں ضرورت مند افراد مجھ سے میسج پر رابطہ کر رہے ہوں گے۔ براہ کرم اس بارے میں دیکھیں۔ اکاؤنٹ ابھی تک بلاک ہے۔‘ سکرین شاٹتاہم کچھ گھنٹے قبل سونو سود نے سٹوری لگاتے ہوئے اطلاع دی ہے کہ اُن کا واٹس ایپ اکاؤںٹ بحال ہوگیا ہے۔انہوں نے یہ بھی انکشاف کیا کہ انہیں 61 گھنٹوں کے دوران 9 ہزار 483 پیغامات موصول ہوئے ہیں۔انہوں نے اپنی سٹوری میں لکھا کہ ’بالآخر اکاؤںٹ واپس مل گیا۔ پچھلے 61 گھنٹوں میں صرف 9 ہزار 483 میسج موصول ہوئے ہیں۔‘ سکرین شاٹخیال رہے کہ سونو سود نے کورونا وائرس کی وبا کے دوران لگنے والے لاک ڈاؤن میں بھرپور سماجی خدمات کی تھیں جس کے باعث انہوں نے خوب مقبولیت حاصل کی۔وہ سوشل میڈیا کے ذریعے سماجی خدمات کے کام کرتے رہتے ہیں۔سونو سود ’ہیپی نیو ایئر‘، ’آر راجکمار‘، ’انٹرٹینمنٹ‘ اور ’دبنگ‘ جیسی بڑی فلموں میں کام کر چکے ہیں۔