بالی وُڈ کے کنگ شاہ رخ خان کی فلم ’پٹھان‘ نے دنیا بھر سے ایک ہزار کروڑ انڈین روپے کا کاروبار کر لیا ہے۔اپنی ریلیز کے چوتھے ہفتے بھی ’پٹھان‘ کی انڈیا سمیت دنیا بھر کے باکس آفس پر دھوم جاری ہے۔منگل کو یش راج فلمز کی جانب سے سماجی رابطوں کی ویب سائٹ ٹوئٹر پر اعلان کیا گیا ہے کہ ’پٹھان نے دنیا بھر سے ایک ہزار کروڑ انڈین روپے کما لیے ہیں۔‘پٹھان ریلیز کے پہلے مرحلے میں یہ اعزاز حاصل کرنے والی پہلی ہندی فلم بن گئی ہے۔دوسری جانب باکس آفس کے تجزیہ کار ترن آدرش نے اپنی ٹویٹ میں بتایا کہ ’پٹھان‘ نے انڈیا بھر سے 500 کروڑ کما لیے ہیں۔‘ایکشن اور تھرلر سے بھرپور یہ پہلی ہندی فلم ہے جس نے 500 کروڑ روپے کا بزنس کیا ہے۔ اس کے علاوہ ’پٹھان‘ تیز ترین 500 کروڑ روپے کمانے والی بھی پہلی فلم بن گئی ہے۔#Pathaan hits 1000 crores worldwideBook your tickets here: https://t.co/SD17p6x9HI | https://t.co/VkhFng6vBjCelebrate #Pathaan with #YRF50 only at a big screen near you, in Hindi, Tamil and Telugu. pic.twitter.com/CshkhHkZbd— Yash Raj Films (@yrf) February 21, 2023ان تمام کامیابیوں کے بعد ’پٹھان‘ کی نظریں 2017 میں ریلیز ہونے والی تیلگو فلم ’باہو بلی 2‘ کے باکس آفس کے ریکارڈ کو توڑنے پر مرکوز ہیں۔#Pathaan will breach ₹ 500 cr mark today [fourth Tue; Day 28]…FIRST #Hindi film to achieve this target.Also, FASTEST to hit ₹ 500 cr [#Hindi, Nett BOC].[Week 4] Fri 2.20 cr, Sat 3.25 cr, Sun 4.15 cr, Mon 1.20 cr. Total: ₹ 498.95 cr. #Hindi. #India biz. pic.twitter.com/IPZEMKnAfQ— taran adarsh (@taran_adarsh) February 21, 2023’باہو بلی 2‘ نے انڈیا بھر سے 510 کروڑ انڈین روپے کا کاروبار کیا تھا۔ شاہ رخ خان کی فلم کو یہ ریکارڈ توڑنے کے لیے صرف مزید 10 کروڑ درکار ہیں۔خیال رہے ’پٹھان‘ نے 25 جنوری کو اپنی ریلیز کے پہلے دن انڈیا بھر سے 57 کروڑ انڈین روپے کا کاروبار کر کے نیا ریکارڈ قائم کر لیا تھا۔شاہ رخ خان، دیپکا پاڈوکون اور جان ابراہام کی یہ فلم یش راج فلمز کے ’سپائے یونیورس‘ کی فلموں کی کڑی ہے جس میں سلمان خان کی ٹائیگر سیریز اور ریتھک روشن کی فلم ’وار‘ بھی شامل ہیں۔’پٹھان‘ میں سلمان خان نے بھی کیمیو رول ادا کیا تھا جبکہ ’وار‘ فلم کے کبیر (ریتھک روشن) کا بھی فلم میں ذکر کیا گیا ہے۔فلم میں جاسوس کا کردار ادا کرنے کے بارے میں پیر کو سوالات جوابات کے سیشن میں شاہ رخ خان نے بتایا کہ ’اب میں وہ کردار ادا کرنا چاہتا ہوں جو کردار لوگ دیکھنا چاہتے ہیں۔ میں بطور اداکار اب بڑا ہو گیا ہوں۔ میری ذاتی پسند ختم ہوتی جا رہی ہے۔‘Now I like to play what I think people would like me to play…I have evolved as an actor I think. My personal likes are diminishing. https://t.co/7cT5BqwAbO— Shah Rukh Khan (@iamsrk) February 20, 2023’پٹھان‘ کے سیکوئل کے بارے میں واضح کرتے ہوئے شاہ رخ خان نے لکھا کہ ’صرف پٹھان 2 ہی نہیں بلکہ میں خود اپنی تمام فلموں کا اعلان کروں گا اور آپ لوگوں کو بتاؤں گا۔ میرے سچ بتانے تک براہ کرم انتظار کریں اور احمقانہ خبروں کو مت سنیں۔‘Not just about #Pathaan 2 but every work of mine I will announce and say it to you guys personally. Please wait for me to tell you the truth not listen to stupid gossip! https://t.co/Ib4ng59IO5— Shah Rukh Khan (@iamsrk) February 20, 2023رواں سال شاہ رخ خان کی دو مزید فلمیں بھی ریلیز ہوں گی۔ان کی دوسری فلم ’جوان‘ کے نام سے ہے جس کی ہدایت کاری جنوبی انڈیا کے ڈائریکٹر ایٹلی کمار نے کی ہے۔ یہ فلم دو جون کو ریلیز کی جائے گی۔اس کے بعد سال کے آخر میں کنگ خان راج کمار ہیرانی کی ہدایت کاری میں بننے والی فلم ’ڈنکی‘ میں نظر آئیں گے۔ یہ فلم کرسمس کے موقع پر سنیما گھروں میں نمائش کے لیے پیش کی جائے گی۔