وزیر توانائی اویس لغاری نے کہا ہے کہ نیشنل گرڈ میں شامل ہونے والی نئی بجلی مزيد مہنگی ہوگی۔میڈیا سے گفتگو کرتے ہوئے وفاقی وزیر توانائی اویس لغاری نے کہا کہ نئی شامل ہونے والی 17 ہزار میگاواٹ بجلی میں سے صرف 87 میگاواٹ بجلی سستی ہے۔ان کا کہنا تھا کہ کاروباری حضرات کی وجہ سے ملکی معیشت چل رہی ہے، اللّٰہ کرے تاجر مزید منافع کمائیں اور ٹیکس کی مد میں ادائیگی کریں۔انہوں نے کہا کہ حکومت سنبھالتے وقت سب سے بڑا مسئلہ بجلی کی قیمتوں کا تھا، پاکستان نے آج تک اپنے فارمولے کے تحت کبھی سستی بجلی نہیں خریدی، نیشنل گرڈ میں شامل ہونے والی بجلی مزید مہنگی ہوگی۔آئندہ چند ماہ میں بجلی کی قیمتیں کم ہوں گی، اویس لغاری نے خوشخبری سنادیاویس لغاری نے کہا کہ مستقبل میں آپ سے کوئی بجلی کمپنی ایک روپے اضافی چارج نہیں کرے گی، یہ وہ انقلاب ہے جو ڈی چوک پر نہیں آتا، بجلی سہولت پیکیج صرف 3 ماہ نہیں بلکہ 6 ماہ کا ہوتا، اضافی بجلی کی آکشن کی جائے گی، اضافی بجلی آکشن کے ذریعے خریدی جائے گی، بجلی سہولت کے نتائج اچھے نکلے تو پورا سال چلے گا۔انہوں نے کہا کہ سرکلر ڈیٹ مینجمنٹ کے تحت نقصان کا ایک ٹارگٹ دیا گیا، رواں مالی سال کے پہلے 4 ماہ تقسیم کار کمپنیوں نے صرف11 ارب روپے کا نقصان کیا، نقصانات میں کمی کی وجہ ڈسکوز کے خود مختار بورڈز ہیں۔