تین ملکی سیریز کے پہلے میچ میں پاکستان نے افغانستان کو جیت کے لیے 183 رنز کا ہدف دیا ہے۔جمعے کو شارجہ کرکٹ سٹیڈیم میں پاکستان نے مقررہ 20 اوورز میں چھ وکٹوں کے نقصان پر 182رنز بنائے۔پاکستان کی جانب سے کپتان سلمان علی آغا 53 رنز بنا کر ناٹ آؤٹ رہے۔ان کے علاوہ صاحبزادہ فرحان 21، محمد نواز 21، فخر زمان 20، محمد حارث 15، فہیم اشرف 14، صائم ایوب 14 اور حسن نواز نو رنز بنا کر آؤٹ ہوئے۔افغانستان کی جانب سے مجیب الرحمان، عظمت اللہ عمرزئی، محمد نبی اور راشد خان نے ایک ایک جبکہ فرید احمد نے دو وکٹیں حاصل کیں۔یاد رہے کہ تین ملکی سیریز کی تیسری ٹیم متحدہ عرب امارات ہے جو سنیچر کو پاکستان کے خلاف اپنا پہلا میچ کھیلے گی۔پاکستان کی پلیئنگ الیونپاکستان کی پلیئنگ الیون میں کپتان سلمان علی آغا، صاحبزادہ فرحان، صائم ایوب، فخر زمان، حسن نواز، محمد نواز، محمد حارث، فہیم اشرف، شاہین شاہ آفریدی، حارث روف اور سفیان مقیم شامل ہیں۔افغانستان کی پلیئنگ الیونافغانستان کی پلیئنگ الیون میں رحمان اللّٰہ گرباز، ابراہیم زدران، صدیق اللّٰہ، درویش رسولی، کریم جنت، عظمت اللّٰہ عمر زئی، کپتان راشد خان، محمد نبی، مجیب الرحمان، فضل حق فاروقی اور فرید احمد شامل کیے گئے ہیں۔