وزیراعلیٰ خیبر پختونخوا محمد سہیل آفریدی کی ہدایت پر ایڈمنسٹریشن ڈیپارٹمنٹ نے صوبائی کابینہ کے محکموں کی تقسیم کا باضابطہ نوٹیفکیشن جاری کر دیا۔
نوٹیفکیشن کے مطابق مینا خان آفریدی کو بلدیات، الیکشن و دیہی ترقی، ارشد ایوب خان کو ابتدائی و ثانوی تعلیم، فضل شکور خان کو پبلک ہیلتھ انجینئرنگ، ڈاکٹر امجد علی کو ہاؤسنگ، آفتاب عالم کو قانون، پارلیمانی امور و انسانی حقوق، سید فخر جہان کو ایکسائز، ٹیکسیشن و نارکوٹکس کنٹرول، ریاض خان کو آبپاشی، خلیق الرحمان کو صحت، عاقب اللہ خان کو ریلیف، بحالی و آبادکاری اور فیصل خان ترکئی کو محنت (لیبر) کا قلمدان دیا گیا ہے۔
نوٹیفکیشن میں بتایا گیا ہے کہ مزمل اسلم کو مشیر خزانہ، تاج محمد ترند کو مشیر کھیل و امورِ نوجوانان اور شفیع اللہ جان کو معاونِ خصوصی برائے اطلاعات مقرر کیا گیا ہے۔