محکمہ موسمیات کا کہنا ہے کہ آئندہ 24 گھنٹوں کے دوران کراچی میں خشک اور خنک تیز ہوائیں چلنے کا امکان ہے اور کم سے کم درجہ حرارت 14 سے 16 ڈگری سینٹی گریڈ تک رہنے کی توقع ہے۔ محکمہ موسمیات کے مطابق شہر میں زیادہ سے زیادہ درجہ حرارت 30 ڈگری سینٹی گریڈ تک رہا۔ شمال کی سمت سے 4 کلومیٹر فی گھنٹہ کی رفتار سے ہوائیں چل رہی ہیں جبکہ ہوا میں نمی کا تناسب 40 فیصد ریکارڈ کیا گیا ہے۔ محکمہ موسمیات نے بتایا ہے کہ گزشتہ 24 گھنٹوں کے دوران کراچی کا موسم خشک رہا اور رات کے وقت درجہ حرارت خنک رہا۔