آئی ایم ایف نے اپنی سالانہ رپورٹ میں بھارت کو معاشی ڈیٹا کی کمزوریوں کی بنیاد پر دوسرا کم ترین درجے یعنی سی گریڈ دے دیا ہے۔ رپورٹ میں بھارت کے 12-2011 کے معاشی ڈیٹا کو ناقص اور پرانا قرار دیا گیا ہے۔
آئی ایم ایف کی رپورٹ میں بتایا گیا ہے کہ بھارتی معیشت کے دستیاب ڈیٹا میں خامیاں موجود ہیں، جو معاشی نگرانی کے عمل میں رکاوٹ بنتی ہیں۔ رپورٹ میں یہ بھی کہا گیا کہ بھارتی حکومت کا آمدنی کی بنیاد پر جی ڈی پی کا طریقہ کار بارہا ماہرین کی تنقید کا شکار رہا ہے۔
عالمی مالیاتی ادارے نے واضح کیا کہ ڈیٹا کی کمزوریوں کے باعث بھارت کے قومی کھاتوں کو مسلسل دوسرے سال بھی سی گریڈ دیا گیا ہے۔