آسٹریلیا کے وزیراعظم انتھونی البانیز نے اپنی دیرینہ دوست جوڈی ہیڈن سے 5 سالہ تعلق کے بعد شادی کر لی ہے۔ غیر ملکی میڈیا کے مطابق یہ پہلا موقع ہے کہ کوئی آسٹریلوی وزیراعظم وزیراعظم آفس میں رہتے ہوئے شادی کر رہا ہے۔ شادی کی تقریب کینبرا میں منعقد ہوئی اور شادی کی تاریخ کو خفیہ رکھا گیا۔ Married💍❤️💍 pic.twitter.com/mSzojtBF2I— Anthony Albanese (@AlboMP) November 29, 2025 انتھونی البانیز اور جوڈی ہیڈن کی ملاقات 2020 میں ایک تقریب کے دوران ہوئی تھی ۔ 2022 اور 2025 کی انتخابی مہموں کے دوران جوڈی ہیڈن بین الاقوامی دوروں اور اہم ایونٹس میں انتھونی البانیز کے ہمراہ نظر آئیں۔ گزشتہ برس فروری میں ویلنٹائن ڈے کے موقع پر انتھونی البانیز نے جوڈی ہیڈن کو شادی کی پیشکش کی تھی جسے انہوں نے قبول کر لیا۔ دونوں نے اپنے مشترکہ بیان میں کہا ہمیں اپنی محبت اور مستقبل ایک ساتھ گزارنے کے عزم کو اپنے رشتہ داروں اور قریبی دوستوں کے سامنے بتاتے ہوئے نہایت خوشی ہو رہی ہے۔