صدرِ مملکت اسلامی جمہوریہ پاکستان آصف علی زرداری نے پارلیمنٹ کا مشترکہ اجلاس کل 2 دسمبر 2025 کو صبح 11 بجے طلب کرلیا۔ صدرِ مملکت نے یہ اجلاس آئینِ پاکستان کے آرٹیکل 54 کی شق (1) کے تحت حاصل اختیارات کو استعمال کرتے ہوئے طلب کیا ہے۔ قومی اسمبلی سیکریٹریٹ نے مشترکہ اجلاس سے متعلق سرکاری نوٹیفکیشن جاری کردیا ہے، جس کے مطابق سینیٹ اور قومی اسمبلی کے ارکان کل پارلیمنٹ ہاؤس میں جمع ہوں گے۔ اجلاس میں ملکی سیاسی و معاشی صورتِحال سمیت اہم قومی امور پر بریفنگ اور قانون سازی کا امکان ظاہر کیا جا رہا ہے۔