 |
| |
| عام طور پر اکثر افراد کے ساتھ یہ ہوتا ہے کہ وہ کسی
شاپنگ مال صرف ایک یا دو ضروری اشیا خریدنے کے لئے جائيں اور جب واپس باہر
نکلیں تو ان کے ساتھ چار غیر ضروری اشیا بھی ہوں۔ ایسا آپ کی کسی غلطی کی
وجہ سے نہیں ہوتا ہے بلکہ درحقیت شاپنگ مال والوں نے باقاعدہ پلاننگ کے
ساتھ شاپنگ سنٹر کے داخلے اور اخراج کا راستہ اس طرح سے بنایا ہوتا ہے کہ
لوگ ان کے اس چکر کا شکار ہو جائيں اور غیر ضروری اشیا کی بھی خریداری بھی
کر لیں- مگر آج ہم آپ کو کچھ ایسے طریقے بتائيں گے جس سے آپ شاپنگ مال
والوں کے بچھائے اس چکر سے بچ سکتے ہیں- |
| |
| شاپنگ کے لیے جانے سے
پہلے پانی پی لیں |
| نیدرلینڈ کی یونیورسٹی آف ٹویئنٹ میں کی جانے والی ایک
تحقیق کے مطابق اگر آپ خریداری کے لیے جانا چاہ رہے ہیں تو اس سے قبل پانی
پی لینا آپ کو فاضل خریداری سے بچانے میں اہم کردار ادا کر سکتا ہے-اس کا
سبب یہ بتایا جاتا ہے خریداری سے قبل گھر سے نکلنے سے پہلے بہت سارا پانی
پینے سے خریداری کے دوران انسان کا مثانہ بھر جاتا ہے اور اس کو پیشاب کی
حاجت محسوس ہونے لگتی ہے- لہذا اس وقت وہ فالتو خریداری کرنے کے بجائے
ضروری خریداری کر کے فوراً گھر کی طرف بھاگنے کو بہتر محسوس کرتے ہیں- |
 |
| |
| اپنے پاس نئے اور کڑک
نوٹ رکھیں |
| ایک اور تحقیق کے مطابق انسان کو خریداری کے پاس جانے سے
قبل اپنے پاس نئے اور کڑک نوٹ رکھ لینے چاہیے ہیں کیونکہ تحقیق سے یہ بات
ثابت ہے کہ انسان اپنے پاس کڑک نوٹ رکھنا چاہتا ہے اس وجہ سے وہ کم خریداری
کرتا ہے- اسی طرح اگر کسی کے پاس پرانے اور استعمال شدہ نوٹ ہوں تو اس صورت
میں انسان کی یہی کوشش ہوتی ہے کہ جلد از جلد ان سے نجات حاصل کی جائے تو
پھر اس صورت میں فالتو اشیا کی خریداری کر لیتا ہے- |
 |
| |
| سیلز کرنے والے افراد کے
ساتھ دوستی نہ کریں |
| عام طور پر آپ نے اگر نوٹ کیا ہو تو دیکھا ہوگا کہ سیلز
کے شعبے سے منسلک افراد بہت خوش اخلاق ہوتے ہیں اور جلد دوست بن جانے والے
ہوتے ہیں- ایسے افراد جب آپ شاپنگ مال جائيں تو آپ سے بھی دوستی کرنے کی
کوشش کرتے ہیں- مگر یاد رکھیں ان کی یہ دوستی ایک پروفیشنل تعلق ہوتا ہے
اور ان کا مقصد یہی ہوتا ہے کہ آپ کو زيادہ سے زيادہ خریداری کے لئے مجبور
کر سکیں- اس وجہ سے اگر آپ فالتو خریداری سے بچنا چاہتے ہیں تو ایسی کسی
بھی دوستی سے بچنے کی کوشش کریں- |
 |
|
|
|
خریداری کے لیے چھوٹی ٹوکری کا استعمال
کریں |
|
عام طور پر شاپنگ مال میں باہر ہی شاپنگ ٹرالی اور مختلف سائز کی ٹوکریاں
موجود ہوتی ہیں جن کا انتخاب خریدار اپنی ضرورت کے مطابق کرتا ہے- ایسے وقت
میں یہ تجویز کیا جاتا ہے کہ اگر فالتو خریداری سے بچنا چاہتے ہیں تو اس
صورت میں چھوٹی ٹوکری کا انتخاب کریں تاکہ اس میں جگہ کم ہو اور انسان
فالتو خریداری سے رکا رہے- |
 |
|
|
|
اپنے پاس کریڈٹ یا ڈیبٹ کارڈ نہ رکھیں |
|
عام طور پر کریڈٹ کارڈ کی موجودگی انسان کو بھری جیب کا احساس دلاتی ہے یہی
وجہ ہے کہ وہ جیب میں اضافی رقم کی موجودگی کے خیال سے اکثر ایسی اشیا کی
خریداری کرنا بھی شروع کر دیتا ہے جس کی اس کو ضرورت نہیں ہوتی ہے- اس وجہ
سے ماہرین یہ تجویز دیتے ہیں کہ ان حالات میں اپنے پاس کریڈٹ کارڈ نہ رکھنا
بہتر ہے- |
 |
|
|
|
خریداری کے لیے مصرف ترین شاپنگ مال کا
انتخاب کریں |
|
خریداری کے لیے بہت زيادہ رش انسان کو کوفت میں ضرور مبتلا کرتا ہے مگر اس
میں اچھی بات یہ ہے کہ ایسے مال جا کر انسان فالتو خریداری سے بچ جاتا ہے
اور رش کی وجہ سے صرف اسی پورشن میں جاتا ہے جہاں پر اس نے خریداری کرنی
ہوتی ہے اور اس طرح سے وہ فالتو خریداری سے محفوظ رہتا ہے- |
 |