 |
| |
یہ طے کرنا ہمیشہ مشکل ہوتا ہے کہ آپ کو بال کٹوانے کی ضرورت کب ہے۔ خاص
طور پر اگر آپ اپنے بالوں کو بڑھانے کی کوشش کر رہے ہیں تو آپ کو کتنی
بار بال کٹوانے چاہئیں یہ فیصلہ کرنا تھوڑا مشکل ہوتا ہے اور اس کیلئے ماہر
ہیئر ڈریسرز سے لازمی مشورہ کرنا چاہیے۔ تو چلیں آپ کی مشکل کو آسان کرتے
ہیں اور آپ کو بالوں کی اقسام اور کب بال کٹوانے ہیں اس حوالے سے بتاتے
ہیں۔
بالوں کی قسم
بالوں کی اقسام میں بہت زیادہ فرق ہے، ہر انسان کے بالوں کی لمبائی اور
موٹائی دوسروں سے مختلف ہوتی ہے، اس حوالے سے گڈ ہاؤس کیپنگ میں بالوں کے
ماہر فلپ بی کا کہنا ہے کہ چھوٹے بالوں والے افراد کو ہر ماہ بال کٹوانے
چاہئیں۔
|
 |
| |
آدھے لمبے بالوں والے لوگوں کے لیے تراش خراش کے
درمیان چھ سے آٹھ ہفتے کا وقفہ ہونا چاہیے اور لمبے بالوں والے لوگوں کو
صرف ہر چھ ماہ بعد اپنے بال کٹوانے کی ضرورت ہوتی ہے تاہم واقعی گھنے بالوں
کو باریک بالوں کی طرح کاٹنا ضروری نہیں ہے۔
یہ کیسے جانیں کہ وقت کب ہے؟
اکثر مختلف اشارے ہمیں بتاتے ہیں کہ بال کٹوانے کا وقت آگیا ہے، جیسے کہ
جب آپ کے بال روزانہ خراب ہوتے ہیں یا جب آپ کے بال بہت الجھ جاتے ہیں۔
اگر آپ کے گھنگھریالے بال ہیں اور بالوں کے سرے کرل کھو دیتے ہیں تو یہ
آپ کے ہیئر ڈریسر سے ملاقات کا وقت بُک کرنے کا ایک اور اشارہ ہے۔
فلپ بی کہتے ہیں کہ بال کٹوانے کے لیے چھ ماہ سے زیادہ انتظار نہ کریں۔ ایک
خاص وقت کے بعد اس سے کوئی فرق نہیں پڑتا ہے کہ آپ اپنے بالوں کا کتنا ہی
اچھا خیال کرتے ہیں۔ اگر آپ اپنے بالوں کو بڑھانے کی کوشش کر رہے ہیں، تب
بھی آپ کو اسے باقاعدگی سے کاٹنا ہوگا۔
|
 |
نیو یارک سٹی میں ایوا سکریو سیلون کی سینئر کلرسٹ اور ماہر تعلیم میری کیٹ
او کونر کا کہنا ہے کہ جب اسپلٹ بال شافٹ تک جاتا ہے تو یہ اتنا پتلا ہو
جاتا ہے کہ ٹوٹ جاتا ہے۔اس لئے بالوں کو تراشنا بہت ضروری ہوتا ہے اور اگر
آپ بہت زیادہ انتظار کرتے ہیں تو آپ کے ہیئر ڈریسر کو آپ کے بہت زیادہ
بال کاٹنا ہوں گے۔
امید ہے بالوں کی حفاظت اور نگہداشت کے حوالے سے آپ کو ماہرین کا مشورہ
ضرور پسند آئے گا۔ اگر آپ کو بھی بال بڑھانے یا خوبصورت بنانے کا شوق ہے
تو انتظار نہ کریں بلکہ فوری ہیئر ڈریسر سے رابطہ کریں تاکہ آپ کے بال
خراب ہونے سے پہلے نئی اور خوبصورت شکل میں آجائیں۔
|