اسرائیلی فوج نے رفح میں زمین آپریشن شروع کر دیا جبکہ غزہ میں حملوں کے نتیجے میں مزید 24 فلسطینی شہید اور متعدد زخمی ہو گئے۔رفح میں گزشتہ ہفتے سے لاپتہ 14 امدادی کارکنوں کے اسرائیلی فوج کے ہاتھوں قتل کا انکشاف ہوا ہے ، عینی شاہدین کے مطابق اسرائیلی فوج نے رضاکاروں کو قتل کرکے ایمبولینسز سمیت دفن کر دیا۔عرب میڈیا کے مطابق 18 مارچ سے اب تک 921 فلسطینی شہید اور 2 ہزار سے زائد زخمی ہو چکے ہیں۔اسرائیل کی غزہ پر بربریت جاری، 2 صحافیوں سمیت 65 فلسطینی شہیددوسری جانب تل ابیب اور دیگر شہروں میں ہزاروں افراد اسرائیلی وزیراعظم نیتن یاہو کے خلاف سڑکوں پر نکل آئے۔ مظاہرین نے غزہ جنگ بندی ڈیل کو مکمل کرنے اور غزہ میں موجود بقیہ اسرائیلی یرغمالیوں کی واپسی کا مطالبہ کیا۔واضح رہے اسرائیل نے چند دن قبل جنگ بندی معاہدے کو ٹوڑتے ہوئے غزہ پر دوبارہ حملے شروع کر دیے ہیں۔