کئی دنوں کے انتظار کے بعد آج کراچی سمیت ملک بھر میں بارش کا امکان ہے. محکمہ موسمیات کی پیش گوئی کے مطابق آج کراچی میں آج اور اتوار کو موسلادھار بارش ہوسکتی ہے. اس کے علاوہ سندھ، وسطی و جنوبی پنجاب اور مشرقی بلوچستان میں بھی تیز بارش کا امکان ظاہر کیا گیا ہے جبکہ نشیبی علاقوں میں اربن فلڈنگ کا خطرہ ہوسکتا ہے محکمہ موسمیات کا کہنا ہے کہ ملک میں مون سون کا نیا اسپیل 25 اگست تک جاری رہ سکتا ہے. اس کے علاوہ لاہور کے مختلف علاقوں میں بھی بارش کا سلسلہ جاری ہے. ڈیوس روڈ، گڑھی شاھو، لکشمی چوک اور گوالمنڈی میں بارش کا سلسلہ جاری ہے، بھاٹی چوک، کرشن نگر اور بند روڈ پر بھی بارش ہوئی۔ شیخوپورہ، رحیم یار خان، قصور سمیت پنجاب کے متعدد علاقوں کے علاوہ خیبرپختونخوا اور بلوچستان کے کئی علاقوں میں تیز بارش ریکارڈ کی گئی ہے۔