ہماری شادی 5 سال پہلے ہو گئی تھی٬ مشہور اداکار سلمان شاہد اور ان کی اہلیہ نے اس عمر میں محبت کی شادی کیسے کی؟ جوڑے کا اہم انکشاف
 
سلمان شاہد کو پاکستان کی ڈرامہ اور فلم انڈسٹری کے ایک ایسے تجربہ کار اداکار ہیں جن کی صلاحیتوں کا موازنہ کسی دوسرے اداکار سے ممکن ہی نہیں- سلمان شاہد نے ہمیں لاتعداد ایسے کردار دیے جو ہمیشہ یاد رکھیں جائیں گے-
 
سلمان شاہد کی ایک خاص بات یہ بھی ہے انہوں نے ہمیشہ سے ہی صرف ایسے پروجیکٹس کو منتخب کیا جو انہیں معیاری لگا اور کبھی بھی اپنی ساکھ پر سمجھوتہ نہیں کیا- یہی وجہ ہے کہ ناظرین نے بھی ہمیشہ انہیں قدر کی نگاہ سے دیکھا ہے-
 
 اگرچہ سلمان شاہد بہت زیادہ شوز میں شرکت کرنے سے گریز کرتے ہیں اور اسی وجہ سے ان کے انٹرویوز بھی زیادہ دکھائی نہیں دیتے- لیکن رواں سال اس وقت تھوڑی تبدیلی نظر آئی جب سلمان شاہد اپنی اہلیہ طاہرہ سلمان کے ساتھ ندا یاسر کے شان سحر میں آئے اور یہ ان کے مداحوں کے لیے کسی خوشی سے کم نہیں تھا۔
 
 
سلمان شاہد اور طاہرہ کی شادی 5 سال قبل ہوئی تھی اور یہ ان کا ایک ساتھ پہلا انٹرویو تھا۔ اور یہ ایک انتہائی خوبصورت جوڑا نظر آیا جبکہ شو میں دونوں اس بارے میں بھی بات کی کہ ان کی ملاقات کیسے ہوئی، کس نے پروپوز کیا اور جب کوئی اس عمر میں آکر شادی کرنے کا فیصلہ کرتا ہے تو اسے کن چیلنجوں کا سامنا کرنا پڑتا ہے۔
 
اگرچہ سلمان شاہد خود تو کسی حد تک کم گو انسان ہیں لیکن ان کی اہلیہ نے خود اپنی شادی کی کہانی ناظرین کے سامنے پیش کی- طاہرہ جو کہ ایک جاندار شخصیت کی مالک ہیں کا کہنا تھا کہ میں اور سلمان کئی برسوں سے ایک دوسرے کو جانتے تھے اور ہماری ملاقات ہمارے مشترکہ دوستوں کی وجہ سے ہوئی تھی-
 
طاہرہ نے بتایا کہ اتنے عرصے تک ایک دوسرے کو جاننے کے بعد بالآخر سلمان نے انہیں پرپوز کر دیا۔ انہوں نے آغاز میں کچھ وقت لیا کیونکہ وہ اپنے دو بچوں کے ساتھ اس پیشکش پر بات کرنا چاہتی تھی جبکہ سلمان کو بھی اپنی بیٹی سے اس فیصلے پر بات کرنی تھی- اور آخر میں، انہوں نے ہاں کردی جس کے بعد سلمان شاہد اور طاہرہ رشتہ ازداوج میں منسلک ہوگئے-
 
طاہرہ نے یہ بھی بتایا کہ اپنے بچوں کے ساتھ اس فیصلے پر بات کرنا ان کے لیے بہت اہم تھا۔ اور جب وہ اکٹھے ہوئے تو ان کے بچے خوش تھے۔
 
 
جوڑے نے یہ بھی بتایا کہ جب آپ بڑی عمر میں شادی کرتے ہیں تو آپ کو ایڈجسٹمنٹ کرنا پڑتی ہے۔ ان کا کہنا تھا کہ ان دونوں کا اپنا طرز زندگی ہے اور انسان ایک خاص عمر کے بعد سخت مزاج واقع ہوتے ہیں جس کی وجہ سے بعض تنازعات پیدا ہوتے ہیں-
 
اس موقع پر انہوں نے اپنی شادی کی کچھ خوبصورت تصاویر بھی حاضرین کے ساتھ شیئر کیں۔

انٹرٹینمنٹ
میں نے ایک بار خودکشی کرنے کا سوچا اور... امیتابھ کی فلم میں 49 سیکنڈ کے کردار نے کیسے متھن چکرورتی کی قسمت پلٹ دی
خبریں پڑھتے پڑھتے فلموں میں جا پہنچیں٬ سمیتا پاٹل جنہوں نے موت سے پہلے ایک بھرپور زندگی گزاری٬ دلچسپ واقعات
تم تو جوکر لگتے ہو اور ٬ نصیر الدین شاہ جن کی زبان سے دلیپ کمار سمیت کئی بڑے اداکار نہ بچ سکے
تم نے اپنی شکل بھی دیکھی ہے... عام سی شکل والے نواز الدین صدیقی کی فیکٹری ورکر سے اداکار بننے کی کہانی٬ کیسے کیسے مشکل لمحات دیکھے؟
مزید انٹرٹینمنٹ...