لاہور: پنجاب کی گیارہ رکنی نگراں کابینہ نے حلف اٹھا لیا، گورنر پنجاب بلیغ الرحمان نے کابینہ ارکان سے حلف لیا۔پنجاب کی گیارہ رکنی نگراں کابینہ میں بلال افضل، ایس ایم تنویر، ڈاکٹر جاوید اکرم، ابراہیم مراد، تمکنت کریم، ڈاکٹر جمال ناصر شامل ہیں۔نگراں کابینہ کا منصور قادر، وہاب ریاض، سید اظفر علی ناصر، عامر میر اور نسیم صادق بھی حصہ ہیں۔واضح رہے کہ پنجاب کی نگراں کابینہ میں عامر میر اور تمکنت کریم شعبہ صحافت سے وابستہ ہیں جب کہ وہاب ریاض پروفیشنل کرکٹر ہیں۔یاد رہے کہ صوبہ پنجاب کے نگراں وزیراعلیٰ محسن نقوی جو میڈیا ہاؤس کے مالک ہیں، بنیادی طور پر شعبہ صحافت سے ہی تعلق رکھتے ہیں۔