نیویارک: ٹوئٹر کے سربراہ اور ٹیسلا کے بانی ایلون مسک کی 1998 میں انٹرنیٹ سے متعلق کی گئی پیشگوئی سچ ثابت ہو رہی ہے۔ ایلون مسک کی 1998 کی ویڈیو سوشل میڈیا پر وائرل ہو گئی۔غیر ملکی خبر رساں ایجنسی کے مطابق ایلون مسک نے 1998 میں انٹرنیٹ سے متعلق پیشگوئی کی تھی کہ انٹرنیٹ تمام میڈیا کا ایک سیٹ ہے اور کس طرح مستقبل میں انٹرنیٹ دنیا پر راج کرے گا۔ان کا کہنا تھا کہ انٹرنیٹ کے ذریعے رابطے کے دیگر طریقے بھی ضم ہو جائیں گے مطلب ایک انٹرنیٹ کے ذریعے ہی لوگ آپس میں رابطے قائم رکھیں گے۔ایلون مسک نے کہا تھا کہ انٹرنیٹ لوگوں کو سہولت فراہم کرتا ہے کہ وہ جو چاہیں دیکھ سکتے ہیں اور میرے خیال میں مستقبل میں یہ تمام روایتی میڈیا میں انقلاب برپا کر دے گا۔ان کا کہنا تھا کہ مستقبل قریب میں پرنٹ، براڈکاسٹ، ریڈیو سمیت تمام میڈیا انٹرنیٹ کے ذریعے چلے گا۔. explains the internet back in the day. — Tesla Owners Silicon Valley (@teslaownersSV) February 17, 2023ایلون مسک نے خود بھی اپنی اس ویڈیو پر تبصرہ کیا اور پوچھا کہ یہ ویڈیو کب کی ہے ؟ جس پر انہیں بتایا گیا کہ 1998 کی۔ ویڈیو کے وائرل ہونے پر ایلون مسک نے حیرت کا اظہار کیا۔Whoa, ancient times! When was that?— Elon Musk (@elonmusk) February 17, 2023