ایمسٹرڈم: پولیس نے نشے میں دھت ڈرائیونگ کرنے والے بورس جانسن کو گرفتار کر لیا ہے۔مؤقر انگریزی جریدے دی نیشنل نیوز اور برطانوی اخبار دی گارڈین کے مطابق ہالینڈ میں نشے کی حالت میں گرفتار ہونے والے شخص سے جو ڈرائیونگ لائسنس برآمد ہوا اس پر نہ صرف سابق برطانوی وزیراعظم بورس جانسن کا نام لکھا ہوا ہے بلکہ تصویر بھی چسپاں ہے۔ہالینڈ پولیس افسران کے مطابق ڈرائیونگ لائسنس پر بورس جانسن کا درست نام، درست تاریخ پیدائش درج ہے، تاریخ اجرا 2019 ہے جب کہ اختتامی مدت 3000 ہے۔ ڈرائیونگ لائسنس جعلی یوکرینی بتایا جارہا ہے۔میڈیا رپورٹس کے مطابق پولیس ترجمان کا کہنا ہے کہ اتوار کی شب جب ایک کار شمالی شہر گروننگن میں پل کے قریب ایک کھمبے سے ٹکرائی تو پولیس نے تحقیقات شروع کیں جس پر معلوم ہوا کہ ڈرائیور حادثے کا نشانہ بننے والی گاڑی کو چھوڑ کر پل پہ کھڑا ہوا تھا اور اپنی شناخت بھی نہیں کراپا رہا تھا لیکن بریتھلائزر ٹیسٹ کرانے سے انکاری تھا۔ہالینڈ پولیس کے مطابق گرفتار ڈرائیور کی عمر 35 سال ہے اور کار کی تلاشی کے دوران جو ڈرائیونگ لائسنس ملا ہے اس پر سابق برطانوی وزیراعظ کی تصویر اور نام درج ہے۔میڈیا کے مطابق ہالینڈ کی پولیس کے نشریاتی ادارے این او ایس کے ٹوئٹ پر روسی نامہ نگار نے جواب دیتے ہوئے کہا ہے کہ جعلی ڈرائیونگ لائسنس یوکرین ٹوئرسٹ دکانوں سے آسانی سے حاصل کیے جا سکتے ہیں۔بورس جانسن کے فلیٹ کی تزئین و آرائش پر آنے والے اخراجات کی تحقیقات کا آغازہالینڈ پولیس کے سربراہ نے اس ضمن میں کہا ہے کہ ان کے علم کے مطابق سابق برطانوی وزیراعظم بورس جانسن اس وقت ہالینڈ میں موجود ہی نہیں ہیں۔