خواتین پر تشدد، ہراسگی، زیادتی اور قتل سمیت دیگر جرائم میں سزائوں کی شرح 0٫5 فیصد رہی۔پولیس رپورٹ کے مطابق پنجاب کے مختلف شہروں میں خواتین کے خلاف جرائم میں 20 ہزار ملزمان کو گرفتارکیا گیا جن میں سے صرف 100کوعدالتوں سے سزا ہوسکی ہے۔پولیس رپورٹ کے مطابق یکم جنوری سے 31 دسمبر 2022 تک غیرت کے نام پر 188 خواتین کو قتل کیا گیا۔ قتل میں ملوث 345 ملزمان میں سے 276 کو گرفتارکیا گیا جن میں سے صرف 4 ملزمان کو سزا دلوائی جاسکی ہے۔سال دوہزار بائیس میں لڑکیوں کو اغوا کرنے کے 7397 مقدمات درج ہوئے جن میں ملوث 12156 ملزمان میں سے 6376 کو گرفتارکیا گیا اور صرف سترہ ملزمان کو سزا ہو سکی ہے۔سال دوہزار بائیس میں خواتین کے اغوا کے 8963 مقدمات درج ہوئےجن میں سے 15208 ملزمان میں سے 7097 گرفتارکیا گیا تیرہ کوعدالت سے سزا ہوسکی ہے۔رپورٹ کے مطابق خواتین پر تشدد کے 1662 مقدمات درج ہوئے 3101 گرفتارکیا گیا اورصرف 55 کو سزا ہو سکی ہے۔لڑکیوں پر تشدد کے ایک سو اٹٓھاون مقدمات، 255 ملزمان میں سے 187 گرفتار،کسی ایک کو بھی سزا نہ ہوسکی ہے۔ایک خاتون کو ونی کیا گیا، ملوث پندرہ ملزمان میں سے گیارہ گرفتار کیا گیا لیکن کسی ایک کو بھی سزا نہیں ہوسکی۔پنجاب بھر میں 42 خواتین کو جلانے پر 39 مقدمات درج کیے گئے جن میں سے 61 ملزمان میں سے 55 ملزمان کو گرفتار کیا گیا اور ایک کو سزا دلوائی جاسکی ہے۔پنجاب پولیس نے دو خواتین کی زبردستی شادیاں کرنے پر دو مقدمات درج کیے جن کے چاروں ملزمان گرفتارکیے لیکن کسی ایک کو بھی سزا نہیں مل سکی۔پنجاب بھر میں زیادتی کے 3608 مقدمات درج کیے گئے 5206 ملزمان میں سے 3344 گرفتار ہوئے اور 22 کو سزا دلوائی جاسکی ہے۔ورک پلیس پر خواتین کو حراساں کرنےکے نو کیسز میں ایک کو سزا نہیں مل سکی ہے۔ پولیس رپورٹ کے مطابق مجموعی طور پر وائیلینس اگینسٹ وویمن کے کیسز میں 20400 ملزمان کو گرفتار کیا گیا لیکن صرف 100 ملزمان کو سزائیں دلوائیں جاسکی ہیں۔ترجمان پنجاب پولیس کے مطابق زیادہ تر کیسز میں مدعی پیروی نہیں کرتے یا پھر ملزمان سے صلح کر لیتے ہیں جسکی وجہ سے ملزمان کو ریلیف مل جاتا ہے۔