کراچی کی سڑک پر ایک سادہ سا واقعہ سوشل میڈیا پر ایک سوالیہ نشان بن گیا، جب ایک پولیس اہلکار آم مفت لینے کے چکر میں خود ہی خبروں کا موضوع بن گیا۔ ایک ریڑھی والے نے نہ صرف یہ منظر کیمرے میں محفوظ کیا بلکہ ویڈیو کو سوشل میڈیا پر پوسٹ کر کے معاملے کو عام کر دیا۔ ویڈیو میں دیکھا جاسکتا ہے کہ اہلکار نہ صرف بغیر اجازت آم اٹھا رہا ہے بلکہ پھل تولنے والا ترازو بھی اس کے ہاتھ میں ہے۔ اس سے زیادہ حیرت کی بات یہ تھی کہ پولیس اہلکار کی موٹر سائیکل پر کوئی نمبر پلیٹ بھی نہیں لگی ہوئی تھی، جو اس کے عمل پر مزید سوالات اٹھاتی ہے۔ واقعے کی بازگشت پولیس محکمے تک پہنچی تو فوراً ردعمل آیا۔ حکام نے تصدیق کی کہ مذکورہ اہلکار، جس کی شناخت الیاس کے نام سے ہوئی ہے، کو معطل کر دیا گیا ہے۔ وہ اس وقت تھانہ سائیٹ سپر ہائی وے میں ڈیوٹی پر تعینات تھا۔ View this post on Instagram A post shared by Hamariweb (@hamariweb) ترجمان کے مطابق ابتدائی کارروائی مکمل کرلی گئی ہے، اور اب معاملے کی مزید چھان بین کے بعد محکمانہ اقدامات کیے جائیں گے۔ اس واقعے نے نہ صرف ایک فرد کی بے احتیاطی کو بے نقاب کیا بلکہ عوامی اعتماد اور پولیس کے رویے پر ایک نئی بحث چھیڑ دی ہے۔