Getty Imagesرنگ آف فائر بحرالکاہل کے ارد گرد ٹیکٹونک پلیٹس کی حدود کا ایک علاقہ ہے، جہاں زلزلے اور آتش فشاں عام ہیں پیسیفک یعنی بحرالکاہل کے ساتھ ساتھ پھیلا ’رنگ آف فائر‘ زمین کو پھر سے ہلا رہا ہے۔بدھ کو روس کے جزیرہ نما کامچٹکا کے مشرقی ساحل سے تقریباً 130 کلومیٹر دور 8.8 شدت کا ایک طاقتور زلزلہ آیا، جس سے علاقے میں سونامی کی وارننگ جاری کر دی گئی۔روس، جاپان، امریکہ، ایکواڈور، پیرو، کولمبیا اور چلی کے کچھ حصوں کے لیے انخلا کے احکامات جاری کیے گئے ہیں۔کامچٹکا پیسیفک رنگ آف فائر کا حصہ ہے۔پیسیفک رنگ آف فائر 40 ہزار مربع کلومیٹر کے کل رقبے پر محیط ہے اور یہاں دنیا کے سب سے بڑے آتش فشاں پائے جاتے ہیں۔Getty Imagesسیارے کے سب سے بڑے آتش فشاں پیسیفک رنگ آف فائر میں پائے جاتے ہیں اس علاقے کے مغرب میں کئی لاطینی امریکی ممالک ہیں: ارجنٹائن، بولیویا، کینیڈا، کولمبیا، چلی، کوسٹا ریکا، ایکواڈور، ریاستہائے متحدہ، ایل سلواڈور، گوئٹے مالا، ہونڈوراس، میکسیکو، نکاراگوا اور پاناما۔اس کے بعد یہ الاسکا اور کامچٹکا جزیرہ نما کے درمیان شمالی بحر الکاہل میں الیوٹین جزائر پر مڑتا ہے۔اور پھر اس میں روس، جاپان، تائیوان، فلپائن، انڈونیشیا، ملائیشیا، مشرقی تیمور، برونائی، سنگاپور، پاپوا نیو گنی، سولومن جزائر، ٹونگا، ساموا، تووالو اور نیوزی لینڈ کے ساحل اور جزائر شامل ہیں۔علاقائی ہنگامی صورتحال کے وزیر سرگئی لیبیڈیف کے مطابق بدھ کے زلزلے سے سونامی پیدا ہوا جس کی لہریں کامچٹکا کے ساحل سے تین سے چار میٹر بلند تھیں۔روسی سرکاری میڈیا کی ابتدائی معلومات کے مطابق کئی لوگ زخمی ہوئے ہیں تاہم کوئی بھی شدید زخمی نہیں ہوا۔زلزلے سے پیدا ہونے والی سونامی کی لہریں جو 18 کلومیٹر کی گہرائی میں پیدا ہوئی تھیں جزیرے ہوائی اور امریکہ کے مغربی ساحل تک بھی پہنچ گئیں۔نیشنل سونامی وارننگ سینٹر کے مطابق شمالی کیلیفورنیا کے کریسنٹ سٹی میں 1.09 میٹر کی لہریں ریکارڈ کی گئیں۔امریکہ کے جیولوجیکل سروے کے اعداد و شمار کے مطابق یہ ریکارڈ پر چھٹا سب سے زیادہ طاقتور زلزلہ ہے۔زلزلوں کی ماہر سیسمولوجسٹ لوسی جونز نے نوٹ کیا کہ زلزلے کے امریکہ میں کہیں بھی تباہ کن ہونے کی توقع نہیں ہے، لیکن یہ حیران کن ہے کہ یہ اس علاقے میں دوبارہ زلزلے کی شدید سرگرمی کے ساتھ واقع ہو رہا ہے۔اسلام آباد اور راولپنڈی میں زلزلے کے جھٹکے: روات فالٹ لائن کیا ہے اور یہ کتنی طویل ہے؟جاپان میں دو ہفتوں میں 900 زلزلے اور ’سمندر سے آنے والی عجیب آواز‘ نے لوگوں کی نیندیں اُڑا دیں’ایسا منظر پہلے کبھی نہیں دیکھا‘: روس میں 8.8 شدت کے زلزلے کے بعد آنے والی سونامی کیا ہے اور یہ کیوں آتی ہیں؟پانی کے اندر آتش فشاں کا سراغ: سائنس دان یہ کیسے پتا لگاتے ہیں کہ اگلا آتش فشاں کب اور کہاں پھٹے گا؟سیارے کے 90 فیصد زلزلے یہاں آتے ہیںپیروین جیو فزیکل انسٹی ٹیوٹ (آئی جی پی) کے ایگزیکٹو صدر ہرنینڈو تاویرس نے بی بی سی منڈو کے ساتھ پچھلے انٹرویو میں وضاحت کی کہ ’دنیا کے تمام زلزلوں میں سے نوے فیصد اور 80 فیصد بڑے زلزلے پیسیفک رنگ آف فائر میں آتے ہیں۔‘تاویرسکہتے ہیں کہ بحرالکاہل کی تہہ کئی ٹیکٹونک پلیٹوں پر ٹکی ہوئی ہے اور ’حقیقت یہ ہے کہ ان کے کنورجنس اور رگڑ کی وجہ سے زلزلے کی سرگرمی رنگ آف فائر کے ساتھ شدید ہوتی ہے، جس کی وجہ سے تناؤ پیدا ہوتا اور جاری ہوتا ہے۔‘رنگ آف فائر میں سرگرمی ٹیکٹونکس پلیٹس کی وجہ سے ہے۔ زمین کی پرت کی تہوں میں حرکت اور تصادم زلزلوں کو جنم دیتے ہیں۔وہ آتش فشاں پھٹنے کا سبب بھی بن سکتے ہیں۔Getty Imagesروس کا شہر 8.8 شدت کے زلزلے سے آنے والے سونامی کے بعد سیلاب کی زد میں آ گیا جو روس کے جزیرہ نما کامچٹکا کے مشرقی ساحل سے تقریباً 130 کلومیٹر دور رنگ آف فائر کے مرکز میں واقع ہےآتش فشاں کی طرح ’زیادہ گیس کی مقدار‘ بی بی سی منڈو کے ساتھ پچھلے انٹرویو میں میکسیکو کے نیشنل سینٹر فار ڈیزاسٹر پریوینشن کے ڈائریکٹر ہیوگو ڈیلگاڈو نے وضاحت کی تھی کہ زلزلہ آتش فشاں پر ایسا اثر کرتا ہے جیسے منرل واٹر کی بوتل کو ہلانا۔وہ کہتے ہیں ’مکینیکل حرکت کی وجہ سے بوتل کی سطح پر گیس جمع ہو سکتی ہے۔ اس سے دباؤ بڑھتا ہے اور پانی پھوٹ پڑتا ہے۔ ایسا ہی کچھ آتش فشاں میں ہوتا ہے، جس میں گیس کی مقدار زیادہ ہوتی ہے۔‘ماہر کے مطابق صرف نو شدت سے زیادہ طاقتور زلزلے ہی قریبی آتش فشاں پر خاصا اثر ڈال سکتے ہیں۔ان کا کہنا ہے کہ اس قسم کا زلزلہ ایسے آتش فشاں کو بھی دوبارہ متحرک کر سکتا ہے جو صدیوں سے غیر فعال ہیں۔وہ بتاتے ہیں کہ ’ان بڑی شدت کے زلزلوں سے آنے والی لہروں کا اثر اتنا مضبوط ہے کہ وہ نہ صرف آتش فشاں کے پھٹنے کی وجہ بن سکتے ہیں بلکہ آتش فشاں کو غیر فعال بھی کر سکتے ہیں۔‘اسلام آباد اور راولپنڈی میں زلزلے کے جھٹکے: روات فالٹ لائن کیا ہے اور یہ کتنی طویل ہے؟جاپان میں دو ہفتوں میں 900 زلزلے اور ’سمندر سے آنے والی عجیب آواز‘ نے لوگوں کی نیندیں اُڑا دیں’ایسا منظر پہلے کبھی نہیں دیکھا‘: روس میں 8.8 شدت کے زلزلے کے بعد آنے والی سونامی کیا ہے اور یہ کیوں آتی ہیں؟پانی کے اندر آتش فشاں کا سراغ: سائنس دان یہ کیسے پتا لگاتے ہیں کہ اگلا آتش فشاں کب اور کہاں پھٹے گا؟9.1 شدت کا زلزلہ اور تباہ کُن سمندری لہریں: 20 سال قبل آنے والی قدرتی آفت جس کا شکار بننے والے بہت سے لوگ آج بھی لاپتہ ہیںعبداللہ شاہ غازی کی کرامات یا سائنسی وجوہات: کراچی ہر بار سمندری طوفان سے کیسے بچ نکلتا ہے؟