موبائل سمز کا ڈیٹا لیک ہونے کی خبر پر وفاقی وزیرداخلہ محسن نقوی نے فوری نوٹس لیتے ہوئے نیشنل سائبر کرائمز انوسٹی گیشن ایجنسی کو متحرک کر دیا ہے۔ وفاقی وزیر داخلہ نے ہدایت پر ایک خصوصی انوسٹی گیشن ٹیم تشکیل دی گئی ہے جو ڈیٹا لیکج کے معاملے کی ہر پہلو سے تحقیقات کرے گی۔ یہ ٹیم 14 روز میں اپنی تفصیلی رپورٹ پیش کرے گی۔ محسن نقوی کا کہنا ہے کہ ڈیٹا لیکج میں ملوث عناصر کا پتہ چلا کر ان کے خلاف سخت قانونی کارروائی کی جائے گی تاکہ مستقبل میں اس طرح کے واقعات کی روک تھام کو یقینی بنایا جا سکے۔