خیبر پختونخوا کے ضلع ٹانک میں سیکیورٹی فورسز نے فتنہ خوارج کے خلاف کارروائی کرتے ہوئے بھارتی حمایت یافتہ 8 خوارج ہلاک کر دیے۔
پاک فوج کے شعبہ تعلقات عامہ( آئی ایس پی آر) کے مطابق سیکیورٹی فورسز نے ٹانک میں بھارتی اسپانسرڈ فتنہ خوارج کی موجودگی کی اطلاع پر آپریشن کیا۔
آئی ایس پی آر نے بتایا کہ آپریشن کے دوران سیکیورٹی فورسز نے دہشت گردوں کے ٹھکانوں کو مؤثر انداز میں نشانہ بنایا، شدید فائرنگ کے تبادلے میں 8 بھارتی خوارج ہلاک ہوگئے۔
آئی ایس پی آر کے مطابق مارے گئے خوارج کے قبضے سے ہتھیار اور گولہ بارود برآمد ہوا، دہشت گرد سیکیورٹی فورسز، قانون نافذ کرنے والے اداروں اور شہریوں کے خلاف متعدد دہشت گرد کارروائیوں میں ملوث تھے۔
آئی ایس پی آر کا کہنا ہے کہ سیکیورٹی فورسز، قانون نافذ کرنے والے ادارے دہشت گردی کے خلاف مہم جاری رکھیں گے، ملک سے غیر ملکی سر پرستی میں ہونے والی دہشت گردی کے فتنے کو جڑ سے اکھاڑ پھینکا جائے گا۔