امام کعبہ نے ماتھے کو چوم کر انعام دیا، 85 ممالک کے مقابلے میں حفظ اور تجوید کا مقابلہ جیتنے والے کم عمر بچے کی حکومت سے شکایت

 
اللہ تعالیٰ نے اس زمین پر قیامت تک کے انسانوں کی ہدایت کے لیے قرآن پاک کو بھیجا اور اس کی حفاظت کا وعدہ فرمایا۔ دنیا بھر کے مسلمان لاکھوں کی تعداد میں اس قرآن کو حفظ کرتے ہیں اس حوالے سے ہر سال سعودی عرب میں سرکاری طور دنیا بھر کے مختلف ممالک کے قاری اور حفاظ کے درمیان قرات اور تجوید کے مقابلے کا انعقاد کیا جاتا ہے جس میں سیکڑوں کی تعداد میں قاری حصل لیتے ہیں-
 
اس سال ہونے والے مقابلے میں منگورا سوات سے تعلق رکھنے والے بارہ سالہ محمد حسن فضل نے بھی شرکت کی جس کو اس مقابلے میں سب سے کم عمر قاری اور حافظ ہونے کے اعزاز سے بھی نوازہ گیا-
 
اس کے ساتھ ساتھ محمد حسن فضل کی قرات کو نہ صرف بہت پسند کیا گیا بلکہ انہوں نے مقابلے میں حصہ لینے والے دیگر قاریوں کے مقابلے میں نمایاں پوزیشن حاصل کی محمد حسن فضل کی قرات کو امام کعبہ عبدالرحمن السدیس نے اتنا پسند کیا کہ انہوں نے گلے لگا کر محمد حسن فضل کی پیشانی پر بوسہ لے لیا-
 
 
محمد حسن فضل کے دادا جو مدرسہ رحمانیہ کے روح رواں اور محمد حسن فضل کے استاد بھی ہیں ان کا یہ کہنا ہے کہ ان کے لیے یہ بہت اعزاز کی بات ہے کہ ان کے پوتے کو سعودی عرب میں اتنی محبت اور اعزاز سے نوازہ گیا ہے-
 
ان کا یہ بھی کہنا تھا کہ یہ مقابلے ہر سال سعودی حکومت سرکاری طور پر منعقد کرتی ہے لیکن ان مقابلوں کے لیے پاکستانی حکومت کی جانب سے کسی بھی قسم کی حوصلہ افزائي نہیں کی جاتی ہے- اگر محمد حسن فضل جیسے بچوں کی حوصلہ افزائی کی جائے تو اس سے مزید طلبہ میں بھی مزید محنت کا جذبہ پیدا ہو گا-
 
 
مگر اس کے ساتھ انہوں نے اس بات کا بھی گلہ کیا کہ اس مقابلے میں اتنی اہم کامیابی حاصل کرنے کے باوجود محمد حسن فضل کو کسی بھی سرکاری حکام کی طرف سے نہیں سراہا گیا ہے- مگر اس کے باوجود محمد حسن فضل نے اس عزم کا اعادہ کیا کہ وہ مزید محنت کر کے اس سے بھی زیادہ کامیابیاں حاصل کر کے ملک و قوم کا نام روشن کرنا چاہتے ہیں تاکہ ان کے ملک اور ان کے گھروالوں کو ان پر فخر ہو سکے محمد حسن فضل جیسے بچے قوم کا وہ سرمایہ ہیں جن کی تعلیم و تربیت پر اگر سرکاری طور پر توجہ دی جائے تو یہ اپنی محنت کے ذریعے ملک کے لیے اہم سرمایہ ثابت ہو سکتے ہیں-

مذہب
پہلے یہاں کوئی دروازہ نہیں تھا، خانہ کعبہ میں موجود دروازے کے بارے میں کیا آپ یہ سب جانتے ہیں
دنیا کی 10 پرکشش مساجد جو خوبصورتی میں اپنی مثال آپ ہیں - نمبر 1 پاکستان میں
شیشے کے گنبد والی عظیم الشان مسجد جس کی خوبصورتی کسی کو بھی اپنے سحر میں جکڑ لے
اس مسجد کو بنے تو 400 سال ہوچکے٬ پاکستان کی سینکڑوں سال پرانی مساجد جو آج بھی آباد ہیں
مزید مذہب...