ماں کی قربانی اور بھارت میں بابری مسجد کے بعد مزید مساجد پر قبضے، یہ سلسلہ کب تھمے گا؟
 
بھارت میں مسلمانوں کیلئے عرصہ حیات مزید تنگ کردیا گیا، ایودھیا کی بابری مسجد کے بعد ملک میں مساجد پر قبضوں کا سلسلہ زور پکڑ گیا، انتہا پسندوں نے ایک مسجد کو آگ لگا دی۔
 
مسجد کو آگ لگا دی گئی
ریاست مدھیا پردیش کے ضلع نیمچ میں ہندو انتہا پسندوں نے مسجد کو آگ لگانے کے بعد علاقے میں درگاہ کے سامنے مورتی نصب کردی، انتہا پسندوں نے مسلمانوں کے گھروں پر پتھراؤ بھی کیا۔ مسلمانوں پر حملوں اور مذہبی مقامات کی مبینہ بے حرمتی پر علاقے میں کشیدگی پھیل گئی ہے اور لوگوں میں شدید اشتعال پایا جارہا ہے۔
 
شاہی عید گاہ مسجد مندر قرار
بھارت میں ہندو انتہا پسندوں نے متھرا کی شاہی عید گاہ مسجد کو مندر قرار دے دیا۔ عدالت میں نماز کی ادائیگی پر پابندی کے لئے درخواست دائر کردی گئی۔
 
 
درخواست ہندو انتہا پسند وکلا کے 10 ارکان پر مشتمل گروپ نے دائر کی ہے۔ ہندو انتہا پسند وکیلوں کے گروپ میں دعویٰ کیا گیا کہ متھرا عید گاہ مسجد اصل میں مندر اور لارڈ کرشن کی جائے پیدائش ہے۔
 
انہوں نے مسجد میں نماز کی ادائیگی پر فوری اور مستقل پابندی لگانے کی استدعا بھی کی ہے۔اتر پردیش کی گیان واپی مسجد پر بھی ہندو انتہا پسند قبضے کی کوشش کررہے ہیں اور اس سلسلے میں انہیں مقامی انتظامیہ کی مکمل حمایت حاصل ہے۔
 
نماز پر پابندی ختم
بھارتی سپریم کورٹ نے شمالی ہند میں واقع تاریخی گیان واپی مسجد میں مسلمانوں کے نمازوں کے بڑے اجتماعات پر پابندی کے فیصلہ کو منسوخ کرنے کا حکم دیا ہے۔
 
ایک سروے ٹیم نے کہا تھا کہ اسے اس مسجد کی جگہ پر ہندو دیوتا شیو اور دیگر مذہبی علامات کے آثار ملے ہیں۔ اس سے پہلے بھی تاریخی بابری مسجد پر ہندو مسلم تنازع خطرنات فسادات کا باعث بنا تھا۔
 
 
عدالتی حکم نامے میں کہا گیا کہ مسلمانوں کے نماز کے حق میں رکاوٹ نہیں ڈالنی چاہیے اور اس کے ساتھ ساتھ جس علاقے میں ہندو مذہبی آثار پائے جاتے ہیں، ان کی حفاظت کی جانی چاہیے۔
 
 
مسلم ماں قتل
ریاست اترپردیش میں بیٹے کی گرفتاری کے خلاف مزاحمت کرنے پر پولیس نے مسلمان خاتون کو گولی مار کر قتل کردیا۔عینی شاہدین کا کہنا ہے کہ پولیس وجوہات بتائے بغیر خاتون کے بیٹے کو گرفتار کر رہی تھی جس پر ماں کی جانب سے اپنے بیٹے کو بچانے کیلئے مزاحمت پولیس نے گولی ماردی جس سے خاتون جان کی بازی ہار گئی۔
 
سوال یہ پیدا ہوتا ہے کہ بھارت میں پھیلتی یہ ہندو انتہا پسندی وہاں کی سیاسی جماعتوں کو کیوں نہیں دکھائی دیتی یا پھر فلاحی تنظیمیں حقیقی معنوں کیوں اس ظلم کے خلاف آواز بلند نہیں کرتیں- جان لیں یہ سلسلہ اگر اب بھی نہ رکا تو خدشہ ہے کسی بڑی خونریزی کا سبب بھی بن سکتا ہے-

مذہب
پہلے یہاں کوئی دروازہ نہیں تھا، خانہ کعبہ میں موجود دروازے کے بارے میں کیا آپ یہ سب جانتے ہیں
دنیا کی 10 پرکشش مساجد جو خوبصورتی میں اپنی مثال آپ ہیں - نمبر 1 پاکستان میں
شیشے کے گنبد والی عظیم الشان مسجد جس کی خوبصورتی کسی کو بھی اپنے سحر میں جکڑ لے
اس مسجد کو بنے تو 400 سال ہوچکے٬ پاکستان کی سینکڑوں سال پرانی مساجد جو آج بھی آباد ہیں
مزید مذہب...