 |
| |
| اگر کسی ایسے ملک کی سیر پر جاتے ہیں جس کی ثقافت آپ کے
ملک کی ثقافت سے یکسر مختلف ہو تو آپ کو پہلے اس کے بارے میں مکمل جان لینا
چاہیے تاکہ غلطیاں کرنے سے بچ سکیں- مثال کے طور پر، جاپان ایک ایسا ملک ہے
جو واقعی ایک منفرد ثقافت کا حامل ہے اور جاپانی لوگوں کے کچھ اصولوں کو
جاننا بہت مفید ہے۔ |
| |
| گھر میں جوتے نہیں پہن
سکتے |
| بہت سے ممالک میں، گھر میں جوتے نہ پہننے کی عادت تمام
لوگوں میں نہیں پائی جاتی اور صرف چند لوگ ہی ہوتے ہیں جو اس بات کا خیال
رکھتے ہیں۔ لیکن جاپان میں ساری آبادی کبھی بھی گھر میں جوتے نہیں پہنتی
اور دہلیز عبور کرتے ہی گھر کے اندر پہلے سے موجود چپل پہن لیتی ہے۔ |
 |
| |
| قطار کا احترام |
| جاپان میں کسی بھی قطار کا بہت احترام کیا جاتا ہے-
جاپانی بالکل ایک ترتیب کے ساتھ لائن میں کھڑے ہوتے ہیں چاہے وہ بس اسٹاپ
پر کھڑے ہوں یا پھر کسی عمارت میں لفٹ کے انتظار میں- یہاں اسٹیشن کے پلیٹ
فارم کے فرش پر باقاعدہ ایسے اشارے موجود ہوتے ہیں جو بتاتے ہیں کہ آپ کو
کہاں کھڑا ہونا ہے- اس لیے آپ کے لیے بھی ضروری ہے کہ آپ ان اصولوں کی
پابندی کریں- |
 |
| |
| چلتے ہوئے کھانا |
| جاپان میں چلتے پھرتے کھانا پینا برا سمجھا جاتا ہے-
یہاں تک اسٹریٹ پر موجود کھانے کے اسٹال سے چیز خرید کر آپ کو وہیں کھڑے ہو
کر کھانا ہوتی ہے- اس کے علاوہ وینڈنگ مشینوں سے نکالے گئے مشروبات کو بھی
فوراً استعمال کر کے وہیں ری سائیکل بن میں پھینکنا ہوتا ہے- جاپان کی پبلک
ٹرانسپورٹ میں بھی سفر کے دوران کھانے پینے کو برا سمجھا جاتا ہے- |
 |
|
|
|
روایتی باتھ ٹب |
|
زیادہ تر جاپانی گھروں میں ایک باتھ ٹب ہوتا ہے جو اکثر پہلے ہی گرم پانی
سے بھرا ہوتا ہے۔ یہ صرف آرام کے لیے ہوتا ہے نہ کہ جسم کو دھونے کے لیے-
اس لیے اس میں داخل ہونے سے قبل آپ کو نہانا ضروری ہوتا ہے- "فیورو" نامی
یہ روایتی جاپانی باتھ ٹب اکثر مربع شکل کا ہوتا ہے، اور اس وجہ سے یہ
روایتی مغربی ٹب سے چھوٹا لیکن گہرا ہوتا ہے۔ |
 |
|
|
|
ٹِپ دینا |
|
امریکہ میں ریستوران میں ویٹر کو ٹِپ دینا لازمی ہوتا ہے لیکن جاپان میں اس
کے برعکس اسے برا سمجھا جاتا ہے- یہاں تک کہ اگر ریستوران میں کوئی ٹِپ
چھوڑتے بھی ہیں تو اسے توہین تصور کیا جاتا ہے- جاپانی ریستوران باقاعدہ بل
میں ہی سروس چارچز شامل کردیتے ہیں- اس کے علاوہ ٹیکسی ڈرائیور بھی کرائے
میں سے بچے ہوئے پیسے رکھنے سے انکار کر دیتا ہے- |
 |
|
|
|
چاپ اسٹک سے کھانے کا اصول |
|
اگر آپ کھانے کے دوران چاپ اسٹک کا استعمال آسانی سے کرتے ہیں تو جاپانی آپ
سے متاثر ہوسکتے ہیں لیکن اس کے غلط استعمال پر برا بھی منا سکتے ہیں- چاول
کے پیالے میں چاپ اسٹک کبھی بھی عمودی شکل میں نہ رکھیں کیونکہ ان کے نزدیک
یہ جنازے کی رسم سے مشابہت رکھتا ہے- اس کے علاوہ اگر آپ کو انہیں نیچے
رکھنے کی ضرورت ہے تو، ہمیشہ اپنی پلیٹ کے ساتھ چاپ اسٹک ہولڈر کا استعمال
کریں۔ |
 |