اجزاء: مٹر ایک پیالہ چھیلے ہوئے قیمہ آدھا کلو باریک ہاتھ کا کٹا ہوا ادرک کٹی ہوئی 4 سے 6 ٹکڑے ہرا دھنیا حسبِ ضرورت نمک 1 چمچ آئل 1 چمچ کٹی لال مرچ 1 چمچ پسی لال مرچ 1 چمچ کالی مرچ 1 چمچ دہی 1 کپ پیاز 1 کٹی ہوئی ہلدی 1 چمچ زیرہ ایک آدھا چمچ کالی مرچ ثابت 1 سے 3 ٹماٹر کا پیسٹ شملہ مرچ کٹی ہوئی ہری مرچیں 3 کٹی ہوئی آلو 3 سے 4 کٹے ہوئے ترکیب: ٭ سب سے پہلے مٹر کو چھیل کر ان کو دھو کر توے پر اچھی طرح روسٹ کرلیں کہ ان کا تھوڑا سا رنگ تبدیل ہو جائے۔ ٭ اب ان کو آئل میں فرائی کرکے الگ کرلیں۔ ٭قیمے کو پانی اور نمک میں ابال کر رکھ لیں۔ ٭ پیاز بھونیں، زیرہ، ہلدی، دھنیا، مرچیں، دہی، کالی مرچ، لال مرچ، ٹماٹر کا پیسٹ غرضیکہ تمام تر مصالحے ڈال کر اچھی طرح بھونیں۔ ٭ قیمے کو ابالنے کے بعد کا ایک مرتبہ پانی پھینک دیں۔ ٭ اور دوبارہ پانی ڈال کر اس کو 5 سے 6 منٹ تک ہلکی آنچ پر رکھ دیں۔ ٭ جب گریوی مصالحہ اچھی طرح بھن جائے تو قیمہ پانی سمیت اس میں شامل کریں، شملہ مرچ ڈالیں اور آلو ڈال کر اچھی طرح چمچ چلا کر دم پر رکھ دیں۔ ٭ لیجیے حیدرآبادی انداز میں قیمہ آلو اور مٹر کا مزیدار کھانا پک کر تیار ہے۔ ٭ اب ہرا دھنیا، ہری مرچ، ادرک اور لیموں کا رس ڈال کر نان کے ساتھ سروو کردیں۔