یوکرین جنگ: چھ ماہ چھپے رہنے کے بعد روسی فوجی گرفتاریوکرین کی پولیس نے ایک روسی فوجی کو حراست میں لیا ہے جس کا دعویٰ ہے کہ وہ چھ ماہ تک یوکرین کے علاقے خارکیو میں چھپا رہا ہے۔خارکیو کی مقامی پولیس کا کہنا ہے 42 سالہ روسی فوجی کو یوکرین کی مسلح فوجیوں نے اس وقت روکا جب وہ کپیانسک ضلع میں گشت کر رہے تھے۔ گزشتہ برس ستمبر میں اس علاقے کا کنٹرول یوکرین نے واپس حاصل کر لیا تھا۔ یوکرینی فوجیوں نے بتایا کہ یہ روسی فوجی تب سے وہاں خالی پڑی عمارتوں میں چھپا ہوا تھا۔ پیر کو جب یوکرینی افواج نے اسے گرفتار کیا اس وقت وہ عام کپڑوں میں ملبوس تھا۔ ان کا دعویٰ ہے کہ یہ شخص روس کے ستائیسویں سیپریٹ گارڈز موٹر رائفل بریگیڈ کا ایکملازم تھا جو کہ ماسکو کا رہائشی ہے۔ پولیس کے بیان میں کہا گیا ہے کہ مزید تفتیش کے لیے اسے مقامی تھانے لے جایا گیا۔گزشتہ برس روس اور یوکرین کے درمیان شروع ہونے والی جنگ کے دوران کپیانسک شدید لڑائی کی زد میں رہا۔ کپیانسک ایک ریلوے جنکشن ہے اور جنگ کے آغاز کے چند ہی روز کے اندر روسی افواج نے اس علاقے پر کنٹرول حاصل کر لیا تھا۔ یہاں ان کا کنٹرول کئی ماہ تک رہا۔ یہ بھی پڑھیے:یوکرین جنگ: باخمت کی لڑائی میں شدت، دونوں جانب سے بھاری نقصان کے دعوےیوکرین جنگ صرف روس کی وجہ شروع نہیں ہوئی: پوپ فرانسسکیا یوکرینی افواج کی حالیہ کامیابیاں روس کے ساتھ جنگ میں ایک اہم موڑ ثابت ہو سکتی ہیں؟حالانکہ گزشتہ ستمبر یوکرین نے اس علاقے کو دوبارہ حاصل کر لیا تھا لیکن روس کے دوبارہ یہاں کنٹرول حاصل کرنے کی کوششوں کا خطرہ ابھی ٹلا نہیں ہے۔ یہاں سکیورٹی کی غیر مستحکم صورت حال کے پیش نظر مقامی رہائشیوں کو علاقہ چھوڑ دینے کا حکم دیا گیا تھا۔ منگل کو خارکیو کی مقامی انتظامیہ کے سربراہ اولیگ سینیگوبوو نے کہا کہ خطے کے دیگر مقامات کی طرح یہ شہر بھی روسی افواج کی جانب سے ہونے والی فائرنگ کی زد میں ہے۔
|