میرانشاہ میں دہشتگردوں کی موجودگی کی اطلاعات پر کامیاب آپریشن.آئی ایس پی آر کے مطابق آپریشن کے دوران7 انتہائی مطلوب دہشتگردوں کو گرفتار کرلیا گیا،حافظ گل بہادر گروپ کا دہشتگرد کمانڈر مہتاب عرف لالا بھی پکڑا گیا۔گرفتار دہشتگرد سیکیورٹی فورسز اور شہریوں پر حملوں میں ملوث تھے، اہل علاقہ نے سیکیورٹی فورسز کے آپریشن کو سراہا،اہل علاقہ کی دہشتگردی کی لعنت کے خاتمے کیلئے مکمل حمایت کی یقین دہانی کرائی۔اس سے قبل ڈیرہ اسماعیل خان، درابن میں انٹیلی جنس بیسڈآپریشن کے دوران  کالعدم ٹی ٹی پی گنڈاپورکااہم کمانڈربھی مارا گیا۔ہم نیوز کے مطابق آپریشن کےدوران کالعدم ٹی ٹی پی گنڈاپورکااہم کمانڈرجبارشاہ ہلاک، 2دہشتگرد زخمی ہوگئے۔ہلاک دہشتگرددَرَابن میں قانون نافذکرنےوالوں اور پولیو کی ٹیموں پر حملوں میں ملوث تھا۔ہلاک دہشتگرد ٹی ٹی پی کے لئے بھتہ وصولی میں بھی سرگرمِ عمل تھا۔دَرَابن کے علاقے میں قانون نافذ کرنے والوں کی یہ مسلسل دوسری کامیابی ہے،گزشتہ روز بھی ایک ایسے ہی آپریشن کے دوران 2 دہشتگردوں کو ہلاک کیاگیا تھا۔