لائن آف کنٹرول کے حساس علاقے چورا کمپلیکس میں پاکستان آرمی کی زبردست جوابی کارروائی کے بعد بھارتی فوج کو بھاری جانی و مالی نقصان اٹھانا پڑا، جس کے نتیجے میں دشمن نے سفید جھنڈا لہرا کر اپنی ہزیمت تسلیم کرلی۔
عسکری ذرائع کے مطابق بھارتی فوج کی جانب سے رات گئے کی گئی اشتعال انگیزی اور جارحیت پر پاک فوج نے بھرپور ردعمل دیا، جس میں نہ صرف دشمن کے 5 جنگی طیارے مار گرائے گئے بلکہ ان کی متعدد چوکیاں بھی تباہ کر دی گئیں۔
ذرائع کے مطابق یہ کارروائی اتنی مؤثر تھی کہ بھارتی افواج کو چورا کمپلیکس کے مقام پر پسپائی اختیار کرنی پڑی اور بالآخر شکست مانتے ہوئے سفید جھنڈا لہرانا پڑا۔ یہ عمل ان کی جانب سے غیر مشروط ہار کا علامتی اظہار ہے۔
پاکستانی دفاعی ذرائع کا کہنا ہے کہ پاک فوج مکمل چوکنا اور ہر طرح کی بھارتی جارحیت کے مقابلے کے لیے تیار ہے۔ ملکی سرحدوں کی حفاظت کے لیے ہر ممکن اقدام کیا جائے گا اور دشمن کو کسی بھی جارحیت کا منہ توڑ جواب دیا جاتا رہے گا