ایران میں جوہری تنصیبات اسرائیلی حملوں کے نشانے پر ہیں اور خصوصاً وہ زیرِ زمین پلانٹس جہاں یورینیم کی افزودگی جاری ہے۔انٹرنیشنل اٹامک انرجی ایجنسی (آئی اے ای اے) کے مطابق ایران کے نطنز شہر میں قائم مرکز کو بھی شدید نقصان پہنچا ہے۔ایسی ہی ایک جگہ فوردو بھی ہے جو پہاڑوں کے نیچے کہیں موجود ہے۔ پہاڑوں کے نیچے موجود اس مرکز تک پہنچنے کے لیے طاقتور ’بنکر شکن بم‘ کی ضرورت ہوگی جو صرف امریکہ کے پاس موجود ہے۔لیکن فوردو پر بم حملہ کرنے سے کیا خطرات جنم لے سکتے ہیں؟آئی اے ای اے نے ایران کے جوہری مراکز پر حملوں کو ’انتہائی تشویشناک‘ قرار دیا ہے۔پیر کو اس کے ڈائریکٹر جنرل رافیل گروسی نے کا کہنا تھا کہ فوجی کشیدگی ’تابکاری اخراج کے امکان کو بڑھا دے گی جس کے سبب لوگوں اور ماحول کو نقصان ہو سکتا ہے۔‘جن مقامات پر یورینیم افزودہ کی جاتی ہے وہاں آئیسوٹوپ یا یورینیم کی وافر مقدار محفوظ کی جاتی ہے۔یونیورسٹی آف سرے اور برطانیہ کی نیشنل فزیکل لیبارٹری سے منسلک پروفیسر پیڈی ریگن کہتے ہیں کہ ’جب آپ یورینیم زمین میں سے نکالتے ہیں تو اس کی دو اشکال سامنے آتی ہیں 99 اعشاریہ تین فیصد یورینیم 238 اور صفر اعشاریہ سات فیصد یورینیم 235 اور نیوکلیئر ری ایکٹر چلانے کے لیے آپ کو اسی کی ضرورت ہوتی ہے۔‘توانائی کی شدت کا بڑھناپروفیسر ریگن کہتے ہیں کہ جوہری افزودگی کے بنیادی معنی یورینیم 235 کی مقدار کو بڑھانا ہے۔ اس کام کے لیے گیس کی شکل میں یورینیم لی جاتی ہے اور اسے سینٹری فیوجز نامی مشین میں گھمایا جاتا ہے۔چونکہ یورینیم 238 یورینیم 235 کی ضروری مقدار کے مقابلے میں بھاری ہوتی ہے اس سبب مشین میں گھومتے وقت دونوں علیحدہ ہو جاتی ہیں۔ یورینیم افزودگی کو تیز سے تیز تر کرنے کے لیے یہی عمل بار بار دُہرایا جاتا ہے۔BBCفوردو تک پہنچنے کے لیے طاقتور ’بنکر شکن بم‘ کی ضرورت ہوگی جو صرف امریکہ کے پاس موجود ہےجوہری پاور سٹیشنز کو عمومی طور پر تین سے پانچ فیصد افزودہ یورینیم کی ضرورت ہوتی ہے تاکہ ایک کنٹرولڈ نیوکلیئر ری ایکشن پیدا ہو سکے جس کے نتیجے میں توانائی کا اخراج ہوتا ہے۔لیکن جب مقصد جوہری ہتھیار بنانا ہو اس وقت آپ کو یورینیم 235 کی کم سے کم 90 فیصد مقدار درکار ہوتی ہے۔یعنی یورینیم جتنی زیادہ افزودہ ہوگی ایٹمز کے علیحدہ ہونے سے اس کی توانائی میں اتنی ہی زیادہ شدت ہوگی۔آئی اے ای اے کہنا ہے کہ ایران کے پاس موجود یورینیم کی سطح 60 فیصد تک پہنچ چکے ہے اور وہ جوہری ہتھیار بنانے کی سطح کی طرف گامزن ہے۔ڈونلڈ ٹرمپ اورعاصم منیر کی ملاقات: کیا ایران، اسرائیل جنگ میں پاکستان کوئی کردار ادا کر سکتا ہے؟ایران سے آنے والے پاکستانی طلبا پر کیا بیتی: ’فضا میں ڈرونز کو پھٹتا دیکھ کر محسوس ہوا جیسے زندگی ختم ہونے والی ہے‘ایران، امریکی اڈے اور ’بھٹو کا عہد‘: اسلامی ممالک کا متحد ہونا اتنا مشکل کیوں ہے؟ایران اسرائیل تنازع: اسلام آباد کس حد تک تہران کی مدد کر سکتا ہے اور اس کے پاکستان پر کیا اثرات پڑ سکتے ہیں؟افزودہ شدہ یورینیم کے ذخیرہ پر راکٹ فائر کرنے سے کوئی ایسا ’جوہری واقعہ‘ پیش نہیں آئے گا جیسا فوکوشیما یا چرنوبل کے پلانٹس میں دیکھنے میں آیا تھا۔یونیورسٹی آف پورٹس ماؤتھ سے منسلک پروفیسر جِم سمتھ کہتے ہیں کہ ’افزودہ شدہ یورینیم غیر افزودہ یورینیم کے مقابلے میں تین گُنا زیادہ ریڈیو ایکٹو ہوتی ہے۔ لیکن یہ دونوں ہی زیادہ ریڈیو ایکٹو نہیں ہوتیں۔ اس سے کوئی بڑا ماحولیاتی بحران نہیں پیدا ہوگا۔‘’ہمیں زیادہ خدشات فیژن پروڈکٹس کی ہے، وہ چیزیں جو ری ایکٹر یا بم میں جانے کے بعد یورینیم سے علیحدہ ہوتی ہیں۔ جیسے کہ سیزیئم، ریڈیو ایکٹو سٹرونٹیئم، ریڈیو ایکٹو آئیوڈین۔ یہ تمام اجزا ماحولیاتی آلودگی کی وجہ بن سکتے ہیں۔‘انھوں نے مزید کہا کہ چونکہ ابھی ایران میں یورینیم افزودہ کیا جانے والے مقامات پر کوئی جوہری ری ایکشن نہیں ہو رہا ہے اس لیے کوئی دھماکہ یا بم ان ریڈیو ایکٹو فیژن پروڈکٹس کو ایکٹو نہیں کرے گا کیونکہ وہ ابھی وہاں موجود ہی نہیں ہیں۔اس کے برعکس ایک دھماکے کے ذریعے یورینیم کو منتشر کیا جا سکتا ہے۔BBCنطنز مرکز پر حملے کے بعد آئی اے ای اے نے کہا تھا کہ اس مقام انھیں پر ریڈیو ایکٹو آلودگی ملی ہےمقامی خطرہنطنز مرکز پر حملے کے بعد آئی اے ای اے نے کہا تھا کہ اس مقام انھیں پر ریڈیو ایکٹو آلودگی ملی ہے لیکن اس مقام سے باہر ریڈیو ایکٹویٹی کی سطح پہلے جیسی ہی ہے۔ یونیورسٹی آف برسٹل سے منسلک پروفیسر کلیئر کورک ہل کہتی ہیں کہ ’یورینیم کی ریڈی ایشن زیادہ دور تک نہیں جاتی۔‘لیکن ان کا کہنا ہے کہ جو لوگ اس مقام سے قریب رہتے ہیں ان کی صحت کو خطرات لاحق ہو سکتے ہیں۔ڈونلڈ ٹرمپ اورعاصم منیر کی ملاقات: کیا ایران، اسرائیل جنگ میں پاکستان کوئی کردار ادا کر سکتا ہے؟امریکی طیاروں کی ’غیر معمولی نقل و حرکت‘: بی ٹو بمباروں کی پہیلی اور ’سٹریٹیجک ابہام کی پالیسی‘ایرانی سائنسدانوں کے قتل سے لبنان میں ’پیجر اور واکی ٹاکی بم‘ تک: موساد کی کامیابیوں اور ناکامیوں کی کہانیسب سے ’طاقتور‘ امریکی بم جو ایرانی پہاڑوں میں چھپے ایٹمی بنکرز کو تباہ کرنے کی صلاحیت رکھتا ہے’ایک عمارت پر ہمارے سامنے ڈرون حملہ ہوا‘: تہران میں میزائلوں کے سائے میں پاکستانی شہریوں نے کیا دیکھا؟