کراچی کے علاقے ڈیفنس فیز ون میں نامعلوم موٹرسائیکل سوار ملزمان کی فائرنگ سے پولیس اہلکار زخمی ہوگیا۔زخمی کی شناخت ثاقب کے نام سے ہوئی ہے جو ڈیفنس تھانے میں تعینات ہے۔
پولیس کے مطابق اہلکار کو پولیس چوکی پر نشانہ بنایا گیا جہاں ایک موٹرسائیکل پر سوار دو ملزمان فائرنگ کر کےفرار ہوگئے۔ زخمی اہلکار کو فوری طور پر نجی اسپتال منتقل کردیا گیا ہے جہاں اسے طبی امداد دی جا رہی ہے۔
پولیس نے جائے وقوع سے شواہد اکٹھے کر کے تحقیقات کا آغاز کر دیا ہے۔