عید میلاد النبی صلی اللہ علیہ والہ وسلم کے موقع پر ملک بھر میں 12 ربیع الاول 6 ستمبر کو عام تعطیل ہوگی۔
وزیراعظم کی منظوری کے بعد کابینہ ڈویژن نے 6 ستمبر بروز ہفتہ کو عید میلاد النبی ﷺ کے موقع پر عام تعطیل کا نوٹیفکیشن جاری کردیا۔
نوٹیفکیشن کے مطابق ملک بھر میں سرکاری و نجی دفاتر، تعلیمی ادارے اور دیگر ادارے بند رہیں گے اور عوامی و نجی سطح پر جشنِ عید میلاد النبی ﷺ عقیدت و احترام کے ساتھ منایا جائے گا۔
ملک بھر عید میلاد النبی مذہبی عقیدت و احترام کے ساتھ منانے کی تیاریاں جاری ہیں۔ ملک کے مختلف شہروں میں جلوسوں اور محافل میلاد کی تیاریوں کو حتمی شکل دی جا رہی ہے۔ گلیوں، بازاروں اور عمارتوں کو برقی قمقموں اور سبز جھنڈیوں سے سجایا جا رہا ہے۔