سہ ملکی ٹی20 سیریز کے فائنل میں پاکستان نے افغانستان کو 75 رنز سے شکست دے کر کے ٹائٹل اپنے نام کر لیا ہے۔اتوار کو شارجہ کرکٹ سٹیڈیم میں 142 رنز کے ہدف کے تعاقب میں افغانستان کی پوری ٹیم 16 اوررز میں 66 رنز بنا کر ڈھیر ہو گئی۔محمد نواز کی تباہ کُن بولنگ نے پاکستان کی فتح میں اہم کردار ادا کیا۔ انہوں نے میچ میں ہیٹرک کی اور مجموعی طور پر چار اوورز میں 19 رنز دے کر پانچ وکٹیں حاصل کی۔افغانستان کی جانب سے کپتان راشد خان نے سب سے زیادہ 17 رنز بنائے جبکہ صدیق اللہ اٹل نے 13 سکور کیے۔ ان دو کھلاڑیوں کے علاوہ افغانستان کا کوئی بیٹر ڈبل فیگر میں بھی داخل نہ ہو سکا۔پاکستان کی جانب سے محمد نواز نے پانچ، سفیان مقیم اور ابرار احمد نے دو دو جبکہ  شاہین شاہ آفریدی نے ایک وکٹ حاصل کی۔اس سے قبل پاکستان نے ٹاس جیت کر پہلے بیٹنگ کرتے ہوئے مقررہ 20 اوورز میں آٹھ وکٹوں کے نقصان پر 141رنز بنائے تھے۔پاکستان کی جانب سے فخر زمان نے 27 اور کپتان سلمان علی آغا نے 24 رنز بنائے۔ان کے علاوہ صائم ایوب 17، حسن نواز 15، فہیم اشرف 15، محمد حارث دو اور صاحبزادہ فرحان صفر پر آؤٹ ہوئے۔ شاہین شاہ آفریدی دو رنز بنا کر ناٹ آؤٹ رہے۔افغانستان کی جانب سے راشد خان نے تین وکٹیں حاصل کی (فوٹو: اے ایف پی)افغانستان کی جانب سے راشد خان نے تین، نور احمد نے دو، فضل الحق فاروقی نے دو جبکہ اے ایم غضنفر نے ایک وکٹ حاصل کی۔سہ ملکی سیریز میں تیسری ٹیم متحدہ عرب امارات تھی جو چار میچز میں سے کوئی بھی نہیں جیت سکی۔پاکستان کا سکواڈفائنل میچ میں پاکستانی سکواڈ سلمان علی آغا (کپتان)، صاحبزادہ فرحان، صائم ایوب، فخر زمان، حسن نواز، محمد حارث، فہیم اشرف، شاہین آفریدی، سفیان مقیم اور ابرار احمد پر مشتمل تھا۔افغانستان کا سکواڈفائنل میچ میں رحیم اللہ گُرباز، ابراہیم زردان، صدیق اللہ اٹل، درویش رسولی، کریم جنت، عظمت اللہ عمرزئی، راشد خان (کپتان)، محمد نبی، اے ایم غضنفر، نور احمد اور فضل الحق فاروقی افغانستان کے سکواڈ میں شامل تھے۔