وزیراعظم شہباز شریف نے کہا ہے کہ پاکستان ترقی جادو ٹونے سے نہیں بلکہ منصوبہ بندی اور محنت کے ذریعے ترقی حاصل کرے گا۔ ہری پور میں تقریب سے خطاب کرتے ہوئے وزیر اعظم نے کہا کہ پاکستان میکرو لیول پر مستحکم ہے اور اب ترقی کی راہیں کھل رہی ہیں۔ انہوں نے اعلان کیا کہ تعلیم کے فروغ کے لیے بچوں کو تمام صوبوں سے بیرون ملک بھیجا جائے گا تاکہ نئے علم اور تجربات حاصل ہوں۔ شہباز شریف نے خیبرپختونخوا کے عوام کو خراج تحسین پیش کرتے ہوئے کہا کہ یہ صوبہ غیور عوام کا ہے جنہوں نے دہشتگردوں کے خلاف اپنی جانوں کے نذرانے پیش کیے، اور تاریخ ان قربانیوں کو ہمیشہ یاد رکھے گی۔ انہوں نے بھارت کو بھی سخت پیغام دیتے ہوئے کہا کہ پاکستان نے وہ سبق سکھایا ہے جو مودی سرکار کبھی نہیں بھولے گی، اور اللہ تعالیٰ نے 10 مئی کو پاکستانی قوم کو فتح اور عزت عطا کی۔ یہ تقریر پاکستان کی ترقی، قربانیوں اور تعلیم کے فروغ کے لیے حکومت کے عزم کی عکاس ہے۔