پاکستان کرکٹ بورڈ نے بدھ کے روز تصدیق کردی کہ آسٹریلیا کی ٹیم اس مہینے کے آخری ہفتے لاہور میں تین ٹی ٹوئنٹی میچز کی سیریز کھیلے گی۔ پی سی بی کے چیف آپریٹنگ آفیسر سمیر احمد نے کہا کہ میچز 29 اور 31 جنوری اور یکم فروری کو کھیلے جائیں گے۔ آسٹریلیا کرکٹ ٹیم 28 جنوری کو لاہور پہنچے گی۔ یہ اپریل 2022 کے بعد پہلا موقع ہے کہ آسٹریلیا کی ٹیم پاکستان میں ٹی ٹوئنٹی میچ کھیل رہی ہوگی۔ دونوں ٹیموں کے لیے آئی سی سی ٹی ٹوئنٹی ورلڈ کپ سے پہلے یہ آخری سیریز ہوگی۔ سیریز کے بعد لاہور سے آسٹریلیا کی ٹیم بھارت روانہ ہوجائے گی جبکہ پاکستان کی ٹیم کولمبو سری لنکا چلی جائے گی۔