انٹرنیشنل کرکٹ کونسل کے انڈر 19 ورلڈ کپ میں بھارت کے کپتان ایوش ماترے نے بنگلا دیش کے عارضی کپتان زوات ابرار سے ٹاس کے موقع پر ہاتھ ملانے سے انکار کر دیا۔ ٹاس کے دوران دونوں کپتان ایک دوسرے کی طرف دیکھے بغیر اپنے اپنے راستوں پر چل گئے اور بنگلا دیش نے بالنگ کا فیصلہ کیا۔ بھارتی میڈیا کے مطابق ماترے نے روایتی ہاتھ ملانے کی رسم کو نظرانداز کیا، جو بھارت کی کرکٹ میں سیاست کو شامل کرنے کی روایت کا حصہ ہے۔ اس سے قبل پچھلے سال ستمبر میں ایشیا کپ میں بھارتی ٹی ٹوٹی کپتان سوریہ کمار یادو نے پاکستانی کپتان سلمان علی آغا سے ہاتھ ملانے سے انکار کیا تھا۔ رپورٹس کے مطابق بنگلا دیش میں سابق وزیراعظم شیخ حسینہ کی حکومت کے بعد دونوں ممالک کے تعلقات میں کشیدگی بڑھ گئی ہے۔ کچھ ہفتے قبل بھارتی بورڈ نے بنگلا دیشی فاسٹ بالر مستفیض الرحمن کو آئی پی ایل کھیلنے سے روک دیا، جس سے ان کھلاڑی کو نو کروڑ روپے کا نقصان ہوا۔ اس کے بعد بنگلا دیشی بورڈ نے آئی سی سی کو واضح کر دیا کہ وہ اپنے ورلڈ ٹی ٹوٹی کپ کے میچز بھارت میں نہیں کھیلنا چاہتے کیونکہ کھلاڑیوں اور آفیشلز کی سیکیورٹی کے بارے میں خدشات موجود ہیں۔