پاکستان اور بھارت کے درمیان 15 فروری کو آئی سی سی ٹی ٹوئنٹی ورلڈ کپ میں ہونے والے میچ کے لیے ٹکٹس کی مانگ اتنی بڑھ گئی کہ جس سرور پر آن لائن ٹکٹس بیچے جارہے ہیں وہی کریش کر گیا۔ آج صبح جب آئی سی سی کے ٹکٹ پارٹنرز بک مائی شو ڈاٹ کام پر پاکستان بھارت کے میچ کے ٹکٹ بکنا شروع ہوئے تو منٹوں میں اتنی مانگ آئی کہ سرور کریش کرگیا اور بہت سارے صارفین کی شکایت آئی ہے کہ وہ آن لائن ٹکٹ کی خریداری پوری نہیں کر پائے۔ بک مائی شو والوں نے سرور کو جب پھر سے آپریٹ کیا تو پھر سے ٹکٹس کی اتنی مانگ تھی کہ سرور پھر کام کرنا چھوڑ گیا۔ یاد رہے کہ اس دفعہ آئی سی سی نے ورلڈ کپ میں بہت سارے میچز کے لیے ٹکٹ کی قیمتیں بہت کم رکھی ہے، سب سے کم قیمت والا ٹکٹ بھارت میں 100 روپے کا بک رہا ہے جبکہ سری لنکا میں ایک ہزار سری لنکن روپیز میں بک رہا ہے۔ لیکن پاکستان بھارت کے میچ کے ٹکٹس کی قیمت زیادہ ہے۔