کراچی کے تاجر رہنما عتیق میر اور کراچی تاجر اتحاد کے جنرل سیکریٹری منہاج گلفام نے اعلان کیا ہے کہ 3 ستمبر کو شہر بھر کی تمام مارکیٹیں بشمول موبائل اور الیکٹرانک مارکیٹس مکمل طور پر بند رہیں گی۔
یہ فیصلہ جماعت اسلامی پاکستان کے امیر حافظ نعیم الرحمن کی جانب سے پیٹرولیم لیوی کے خلاف 3 ستمبر کو دی گئی ملک گیر پرامن ہڑتال کی کال کی حمایت میں کیا گیا ہے۔
حافظ نعیم الرحمن نے حکومت کو خبردار کیا ہے کہ عوام کو ریلیف نہ ملنے کی صورت میں احتجاج کا دائرہ کار بڑھا کر بازاروں، سڑکوں اور اسلام آباد کی جانب لانگ مارچ تک پھیلایا جائے گا۔