معروف گلوکارہ مہک علی کی نئی قوالی" ادا"ریلیزہوگئی۔ مہک علی صوفی،فوک اور بطور پلے بیک سنگر اپنی صلاحیتوں کا لوہا منوا رہی ہیں۔ اب ان کی نئی قوالی کو میوزک کے دلدادہ افراد کی جانب سے پسند کیا جارہا ہے جس کا کلام نوجوان نسل کے مقبول شاعر علی زریون نے لکھا ہے جبکہ علی زریون اس ویڈیو میں بھی جلوہ گر ہوئے ہیں،اس کا میوزک معروف میوزک ڈائریکٹر جے علی نے دیا ہے جبکہ گلوریس پروڈکشن کے پلیٹ فارم سے اس کی ویڈیو دنیابھرمیں ریلیز کی گئی ہے۔گلوکارہ مہک علی کاکہناہے کہ میں نے اپنی کامیابیوں کو ہمیشہ اپنے پرستاروں کے نام کیا ہے،کئی مرتبہ مجھے بہترین گلوکارہ کیلیے نامزد کیا گیاہے۔  مہک علی کاکہناہے  کہ  میں امریکا،یورپ اور  کینیڈا سمیت دنیا کے بیشترممالک میں فن کامظاہرہ کرچکی ہوں  لیکن جوخوشی مجھے اپنے ملک میں پرفارم کرکے ہوتی ہے وہ کہیں اورنہیں، میں پہلی صوفی فوک گلوکارہ ہوں جو صوفیانہ کلام کو فوک اور جدید انداز میں پیش کر رہی ہوں ، صوفیانہ کلام گا کرمجھے روحانی سکون ملتا ہے۔