پاکستان ٹیلی کمیونیکیشن اتھارٹی (پی ٹی اے) نے اب تک تین کمپنیوں کو وی پی این (VPN) سروسز کے لیے کلاس لائسنس جاری کر دیے ہیں۔ ترجمان پی ٹی اے کے مطابق بغیر لائسنس وی پی این سروس فراہم کرنے والی کمپنیوں کو فوری طور پر مطلوبہ لائسنس حاصل کرنا ہوگا۔ترجمان نے واضح کیا کہ وی پی این سروسز کے لائسنس اجرا کا مقصد موجودہ ریگولیٹری فریم ورک پر عمل درآمد کو یقینی بنانا ہے تاکہ سروسز کے استعمال میں شفافیت اور قانون کی پاسداری ممکن ہو سکے۔پی ٹی اے کا کہنا ہے کہ بروقت لائسنس حاصل کرنے سے کمپنیوں کو سروس میں تعطل سے بچنے میں مدد ملے گی اور صارفین کو بغیر کسی رکاوٹ کے محفوظ اور مستحکم وی پی این خدمات کی فراہمی ممکن ہو سکے گی۔