متحدہ عرب امارات میں جاری ایشیا کپ ٹی20 کے سپر فور مرحلے کے چوتھے میچ میں ٹیم انڈیا بنگلہ دیش کو 41 رنز سے شکست دے کر ایشیا کپ کے فائنل میں پہنچ گئی ہے۔بدھ کو شیخ زاید کرکٹ سٹیڈیم ابوظبی میں ہونے والے میچ میں انڈیا نے بنگلہ دیش کو چھ وکٹوں کے نقصان پر 169 رنز کا ہدف دیا تھا۔ہدف کے تعاقب میں بنگلہ دیش کی ٹیم آخری اوور میں ہی 127 رنز پر ڈھیر ہو گئی۔اس سے قبل بنگلہ دیش نے ٹاس جیت کر انڈیا کو پہلے کھیلنے کی دعوت دی تھی۔ انڈیا نے مقررہ 20 اوورز میں چھ وکٹیں گنوا کر 168 رنز بنائے تھے۔ بنگلہ دیش کی اننگزبنگلہ دیش کی پوری ٹیم انڈیا کے 169 کے ہدف کے تعاقب میں 127 رنز بنا کر پویلین لوٹ گئی۔بنگلہ دیش کی جانب سے سیف حسن 51 گیندوں پر 69 رنز کے ساتھ نمایاں بیٹر رہے۔اس کے علاوہ پرویز حسین ایمن نے 21، توحید ہردوئے نے سات، ذاکر علی اور محمد سیف الدین نے چار چار جبکہ رشاد حسین اور ناسوم احمد نے دو دو رنز بنائے۔انڈیا کی جانب سے کلدیپ یادو نے تین جبکہ جسپریت بمرا اور ورون چکرورتھی نے دو دو جبکہ اکشر پٹیل اور تلک ورما نے ایک وکٹ حاصل کی۔بنگلہ دیش کی ٹیم آخری اوور میں ہی 127 رنز بنا کر ڈھیر ہو گئی (فائل فوٹو: اے ایف پی)انڈیا کی اننگزانڈیا کی جانب سے ابھیشیک شرما 37 گیندوں پر 75 رنز کی جارحانہ اننگز کھیل کر نمایاں رہے۔اس کے علاوہ شبھمن گل 29، شیوم دوبے دو، کپتان سوریا کمار یادیو اور تلک ورما پانچ ، پانچ جبکہ ہاردک پانڈیا 38 رنز بنا کر آؤٹ ہوئے۔بنگلہ دیش کی جانب سے رشاد حسین نے 2 کھلاڑیوں کو آؤٹ کیا۔پاکستان اور بنگلہ دیش کے درمیان جمعرات کو ہونے والا میچ اہمیت اختیار کر گیا ہے (فائل فوٹو: اے ایف پی)اس میچ میں فتح کے ساتھ انڈیا ایشیا کپ کے فائنل میں پہنچ گیا ہے جبکہ سری لنکا فائنل کی دوڑ سے باہر ہو گیا ہے۔تاہم انڈیا سپر فور مرحلے کا آخری میچ جمعے کو سری لنکا کے خلاف کھیلے گا۔انڈیا کے فائنل میں پہنچنے کے بعد پاکستان اور بنگلہ دیش کے درمیان جمعرات کو ہونے والا میچ اہمیت اختیار کر گیا ہے اور اس میچ میں جیتنے والی ٹیم فائنل میں انڈیا کے مدمقابل ہو گی۔