آج کل مہنگائی اتنی ہوگئی ہے کہ ہر چیز کے لئے دل مارنا پڑتا ہے لیکن اب خواتین پارلر جانا چھوڑ دیں تو بھلا اپنے حسن میں اضافہ کیسے کریں؟ اس آرٹیکل میں ہم خواتین کی یہ مشکل بھی آسان کردیتے ہیں کیونکہ سماء ٹی وی میں ڈاکٹر بلقیس نے باورچی خانے کی چند چیزوں سے ٣ آسان اسٹیپس کا سستا ترین فیشل کرنے کا طریقہ بتا دیا ہے۔ آئیےجانتے ہیں کہ وہ کیا ہے۔ سب سے پہلے آپ کو اس کے لئے آدھی کٹوری دودھ اور ایک لیموں چاہیے ہوگا۔ دودھ میں لیموں کے رس کے چند قطرے ڈال دیں اور جب دودھ پھٹ جائے تو اس کا کریمی سا حصہ دھلے ہوئے چہرے پر لگا کر اچھی طرح مساج کریں۔ اور 5 منٹ بعد چہرہ موٹے نم کپڑے سے صاف کرلیں۔ اس کے بعد بھیگی ہوئی کالی مسور کی دال کو پیس کر پاؤڈر بنا لیں اور پھٹے ہوئے دودھ کی کریم اس میں ملا کر چہرے، گردن اور ہاتھوں پر اچھی طرح اسکربنگ کریں۔ 5 منٹ کے بعد عرق گلاب چہرے پر اسپرے کر کے اسپرے صاف کر لیں۔ آخری اسٹیپ میں ایک انڈا لیں۔ اگر آپ کی جلد خشک ہے تو انڈے کی زردی لیکن اگر جلد چکنی ہے تو انڈے کی سفیدی لے کر پھینٹ لیں اور چہرے پر ماسک کی طرح لگا لیں۔ یہ خالص پروٹین آپ کی جلد کو چاند کی طرح چمکا دے گا۔ لیجیے گھر بیٹھے صرف آدھے گھنٹے میں پارلر جیسا فیشل ہوگیا۔