"صبح اٹھ کر دیسی گھی ایک چمچ کھانے کی عادت بنا لیں اگر ایسے نہیں کھا سکتے تو چائے یا کافی میں ملا کر نہار منہ دیسی گھی ضرور کھائیں. جسم میں اگر پیٹ کا نظام درست ہوگا تو جلد بھی حسین ہوگی اور اس کے لئے دیسی گھی کا استعمال ضروری ہے" یہ کہنا ہے ڈاکٹر شائستہ لودھی کا جنھوں نے اپنی سردی کے موسم میں جلد کی حفاظت کے طریقے شئیر کیے. ڈاکٹر شائستہ کا کہنا تھا کہ وہ وٹامن سی کا استعمال لازمی کرتی ہیں. اس کے علاوہ کچھ دن سے انھوں نے اپنا خیال رکھنا چھوڑ دیا تھا وہ بھی دوبارہ شروع کردیا ہے. اب وہ باقاعدگی سے کلینزنگ، موئسچرائزنگ کے علاوہ مختلف ٹریٹمنٹس بھی لے رہی ہیں. ڈاکٹر شائستہ نے ریٹنول کے استعمال کے بارے میں بتایا کہ ہمیشہ ڈاکٹر کے مشورے سے استعمال کریں اور اسے کسی کریم میں مکس کر کے لگائیں. اس کے علاوہ ہائلورونک ایسڈ اور الفا آربیوٹن وغیرہ جلد کو خوبصورت بنانے اور داغ دھبے ختم کرنے کے لئے بہترین ہیں.