آج کل خشک موسم سے وہ لوگ زیادہ تنگ ہیں جن کی جلد پہلے سے ہی خشک تھی. بار بار لوشنز اور کریم لگانے کے باوجود جلد کی خشکی ختم ہونے کا نام نہیں لیتی. چہرے پر سرخ نشانات بھی ہوجاتے ہیں. تو آئیے جانتے ہیں ان مسائل کا حل آج کے دو زبردست ماسک میں. اس کے لئے ہمیں چاہیے دہی اور دلیہ. دہی میں لیکٹک ایسڈ موجود ہوتا ہے جو ایکسفولیٹیشن کیلئے بہترین ہے جبکہ دلیہ جلن کو دور کرتا ہے۔ 2 کھانے کے چمچ دہی میں 1 کھانے کا چمچ دلیہ شامل کرکے اچھی طرح مکس کر کے پیسٹ بنا لیں اور جلد پر لگا کر 15 منٹ مساج کریں. خشک ہونے پر چہرہ سادے پانی سے دھو لیں. تمام مردہ خلیات نکل جائیں گے اب کوئی اچھی سی کریم لگا لیں. دوسرا ماسک بنانے کیلئے آدھا پکا ہوا کیلا لیں اور اس میں 1 چائے کا چمچ ناریل کا دودھ شامل کریں۔ اس ماسک کو چہرے پرلگائیں اور 15 سے 20 منٹ کے بعد ٹھنڈے پانی سے دھولیں. یہ ماسک جلد کو نمی اور تازگی بخشے گا.