گرمیاں اب اپنے عروج ہیں جب کہ بجلی کی قیمت میں بھی بار بار اضافہ ہورہا ہے. عام طور گھروں میں رات کو بجلی کی بچت کے لئے فریج بند کردیا جاتا ہے. لیکن اس کا نتیجہ یہ نکلتا ہے کہ اندر رکھی ہوئی چیزیں خراب ہوجاتی ہیں. آج ہم آپ کو 3 ایسے آسان طریقے بتائیں گے جن سے آپ کو فریج بھی بند نہیں کرنا پڑے گا اور بل بھی بہت کم آئے گا. سونے سے پہلے فریج کو بند کرنے کے بجائے اس کا تھرموسٹیٹ کم سے کم کر دیں. رات کے وقت فریج کا دروازہ کوئی نہیں کھولتا اس لئے کولنگ برقرار رہے گی اور تھرموسٹیٹ کی کم سیٹنگ میں بھی فریج کے اندر موجود چیزیں خراب نہیں ہوں گی. فریج کے دروازے پر ربر اچھی طرح چیک کریں. اکثر یہ ربر خراب ہوجاتا ہے یا پھٹ جاتا ہے جس کی وجہ سے کولنگ باہر نکل جاتی ہے. اگر ایسا ہے تو اس کو فوری مرمت کے لئے دیں. فریج کو بار بار کھولنے سے گریز کریں. اگر بچے کھولتے ہیں گو چائلڈ لاک لگا دیں. بار بار فریج کھولنے سے کولنگ باہر نکل جاتی ہے اور کمپریسر کو فریج دوبارہ ٹھنڈا کرنا پڑتا ہے جس سے بجلی کے یونٹس میں اضافہ ہوتا ہے اور بل زیادہ آتا ہے.