سلائی مشین پر کپڑے سیتے ہوئے اس وقت سخت پریشانی سے گزرنا پڑتا ہے جب اچانک سلائی کا بخیہ خراب ہونے لگے۔ اکثر ہی ایسا ہوتا کہ اوپر کی سلائی صحیح آتی ہے اور نیچے سے سلائی میں دانہ بن جاتا ہے یا بخیہ ڈھیلا آتا ہے۔ آئیے اس مشکل کو ختم کرنے کے چند آسان ٹپس آپ کو بتاتے ہیں۔ اگر آپ کی سلائی کا بخیہ بھی نیچے سے خراب آنے لگا ہے تو مشین کے اوپر سائیڈ میں بنی ناب پر دھاگہ ٹائٹ کریں اور اندر سےکھول کر سٹل نکالیں۔ اس کا پیچ نکال کر دھاگہ ڈھیلا کر لیں۔ دوسری صورت میں نچلا بخیہ تب خراب آتا ہے جب مشین میں جہاں کپڑا سلائی کے لئے رکھا جاتا ہے وہاں سوئی اگر زیادہ آگے کی جانب لگی ہوئی ہو۔ اسے ٹھیک کرنے کے لئے پیچ کھول کر پاؤں کو تھوڑا پیچھے کی جانب کریں اور پیچ ٹائٹ کر دیں تاکہ سوئی صحیح جگہ بیٹھ جائے۔ مزید بہتر طور پر سمجھنے کے لئے دی گئی ویڈیو دیکھیں تیسری صورت یہ ہوتی ہے کہ شٹل سے دھاگہ گزرتے ہوئے ایک جگہ جمع ہوجاتا ہے یا پھنسنے لگتا ہے۔ شٹل کھول کر دوبارہ لگائیں۔