اسلام آباد/ لاہور: انجمن تاجران اور جماعت اسلامی نے سیل ٹیکس میں اضافے اور نئے ٹیکسز کے نفاذ کو یکسر مسترد کردیا ہے۔صدر آل پاکستان انجمن تاجران اجمل بلوچ نے کہا ہے کہ سیل ٹیکس میں اضافے کو مسترد کرتے ہیں، سیل ٹیکس میں اضافے سے ہر چیز مہنگی ہو جائے گی۔انہوں نے حکومت کی جانب سے قومی اسمبلی میں پیش کیے جانے والے منی بجٹ پر اپنے ردعمل میں کہا  ہے کہ عوام میں اب مہنگائی کا مزید طوفان کا مقابلہ کرنے کی سکت نہیں ہے۔صدر آل پاکستان انجمن تاجران اجمل بلوچ نے مشورہ دیا ہے کہ ملک کے منتخب نمائندے عوام پر مزید بوجھ نہ ڈالیں۔امیر جماعت اسلامی پاکستان سراج الحق نے اپنے ردعمل میں کہا ہے کہ  170 ارب روپے کے نئے ٹیکسز کو مسترد کرتے ہیں۔پاکستانی معیشت صرف آئی ایم ایف قرض سے بحال نہیں ہو سکتی، موڈیز کی اقتصادی ماہرسراج الحق نے مہنگائی کے خلاف جاری تحریک میں تیزی لانے کا اعلان کرتے ہوئے کہا ہے کہ مہنگائی مخالف مظاہروں کے نئے شیڈول کا جلد اعلان کریں گے۔