"نکاح والے دن قاضی صاحب نے شبیر جان سے پچیس قسم کے سوالات کر ڈالے۔ پہلے پوچھا، پہلی بیوی سے کتنے بچے ہیں؟ پھر اتنے سوالات کیے کہ شبیر صاحب تنگ آکر بولے، 'قاضی صاحب! میری دوسری شادی میں تو کوئی مسئلہ نہیں لیکن آپ ضرور مسئلہ کھڑا کروا دیں گے!' " یہ دلچسپ انکشاف اداکارہ فریدہ شبیر نے ایک نجی چینل کے مارننگ شو میں کیا، جسے سن کر حاضرین بے حد لطف اندوز ہوئے۔ فریدہ شبیر نے اپنے نکاح کے یادگار لمحے کو شیئر کرتے ہوئے بتایا کہ قاضی صاحب کی سوالات کی بارش شبیر جان کو مشکل میں ڈال گئی۔ لیکن اس دن کے یہ دلچسپ واقعات ہمیشہ کے لیے یادگار بن گئے۔ شبیر جان اور فریدہ شبیر کی شادی ایک کامیاب اور خوشحال ازدواجی زندگی کی مثال ہے۔ دونوں اکثر انٹرویوز اور شوز میں اپنی محبت اور ہم آہنگی کا اظہار کرتے ہیں، جہاں ان کے درمیان مضبوط تعلق صاف نظر آتا ہے۔ فریدہ نے اپنے شوہر کے ہر قدم پر ان کا ساتھ دیا، چاہے وہ ان کے کیریئر کی بات ہو یا دونوں خاندانوں کی ذمہ داری۔ "میں جانتی تھی کہ شبیر پہلے سے شادی شدہ ہیں اور ان کے چھ بچے ہیں، لیکن انہوں نے دونوں گھروں کو ایسے سنبھالا کہ مجھے کبھی شکایت کا موقع نہیں دیا۔ میں خوش قسمت ہوں کہ انہوں نے اپنا زیادہ وقت میرے ساتھ گزارا، کیونکہ ہم ایک ہی شعبے سے وابستہ تھے اور بچوں کی دیکھ بھال بھی کرنی تھی،" فریدہ نے بتایا۔