پاکستان سپر لیگ (پی ایس ایل) سیزن 10 کے 14ویں میچ میں پشاور زلمی نے لاہور قلندرز کو سات وکٹوں سے شکست دے دی ہے۔جمعرات کو قذافی سٹیڈیم لاہور میں پشاور زلمی نے مطلوبہ ہدف 17ویں اوور میں تین وکٹوں کے نقصان پر حاصل کیا۔اس سے قبل پہلے بیٹنگ کرتے ہوئے لاہور قلندرز کی پوری ٹیم 20 ویں اوور میں 129 رنز بنا کر آؤٹ ہوگئی تھی۔لاہور قلندرز کی جانب سے سکندر رضا 52 رنز کے ساتھ نمایاں رہے۔کپتان شاہین شاہ آفریدی 16، رشاد حسین 13، فخر زمان 10، حارث رؤف 10، سیم بلنگز نو، آصف علی پانچ، ڈیرل مچل دو رنز بنا کر آؤٹ ہوئے جبکہ آصف آفریدی چھ رنز کے ساتھ ناٹ آؤٹ رہے۔لاہور قلندرز کی جانب سے محمد عضب اور عبداللہ شفیق بغیر کوئی رنز بنائے آؤٹ ہوئے۔پشاور زلمی کی جانب سے الزاری جوزف نے تین، لیوک ووڈ اور حسین طلعت نے دو، دو جبکہ علی رضا اور عارف یعقوب نے ایک، ایک کھلاڑی کو آؤٹ کیا۔رواں ایونٹ میں لاہور قلندرز پانچ میچز کھیل کر دو فتوحات کے ساتھ پوائنٹس ٹیبل پر تیسرے نمبر پر ہے۔ پشاور زلمی پانچ میچز کھیل کر دو فتوحات کے ساتھ پوائنٹس ٹیبل پر چوتھے نمبر پر آگئی ہے۔لاہور قلندرز کی ٹیماس میچ میں فخر زمان، آصف علی، عبداللہ شفیق، ڈیرل مچل، سیم بِلنگز، شاہین شاہ آفریدی (کپتان)، سکندر رضا، رشاد حسین، آصف آفریدی، حارث رؤف اور محمد عضب لاہور قلندرز کا حصہ تھے۔پشاور زلمی کی ٹیماس میچ میں بابر اعظم (کپتان)، صائم ایوب، ٹام کوہلر کیڈمور، محمد حارث، حسین طلعت، مچل اوون، عبدالصمد، الزاری جوزف، لیوک ووڈ، عارف یعقوب اور علی رضا پشاور زلمی کی ٹیم میں شامل تھے۔