پاکستان سپر لیگ (پی ایس ایل) سیزن 10 کے 15ویں میچ میں کوئٹہ گلیڈی ایٹرز نے کراچی کنگز کو پانچ رنز سے شکست دے دی ہے۔جمعے کو قذافی سٹیڈیم لاہور میں ہدف کے تعاقب میں کراچی کنگز مقررہ 20 اوورز میں آٹھ وکٹوں کے نقصان پر 137 رنز ہی بنا سکی۔کراچی کنگز کی جانب سے ٹِم سائفرٹ 47 رنز کے ساتھ نمایاں رہے۔ان کے علاوہ جیمز ونس 30، عمیر یوسف 11، شان مسعود نو، کپتان ڈیوڈ وارنر چار اور محمد نبی چار رنز بنا کر آؤٹ ہوئے جبکہ حسن علی 24 اور میر حمزہ تین رنز بنا کر ناٹ آؤٹ رہے۔خوشدل شاہ اور عباس آفریدی صفر پر آؤٹ ہوئے۔کوئٹہ گلیڈی ایٹرز کی جانب سے محمد عامر، محمد وسیم اور خرم شہزاد نے دو دو جبکہ ابرار احمد اور سعود شکیل نے ایک ایک وکٹ حاصل کی۔اس سے قبل کوئٹہ گلیڈی ایٹرز کی پوری ٹیم آخری اوور میں 142 رنز بنا کر آؤٹ ہوگئی تھی۔کوئٹہ گلیڈی ایٹرز کی جانب سے فہیم اشرف 43 رنز کے ساتھ نمایاں رہے۔ان کے علاوہ کوشل مینڈس 36، حسن نواز 35، رائلی روسو 10، کپتان سعود شکیل چھ، مارک چیپمین چار، محمد وسیم ایک، خرم شہزاد ایک رن بنا کر آؤٹ ہوئے جبکہ ابرار احمد دو رنز کے ساتھ ناٹ آؤٹ رہے۔فن ایلن اور محمد عامر بغیر کھاتہ کھولے پویلین لوٹے۔کراچی کنگز کی جانب سے حسن علی نے تین، میر حمزہ اور عباس آفریدی نے دو، دو جبکہ محمد نبی اور فواد علی نے ایک، ایک وکٹ حاصل کی۔اس میچ کے بعد پی ایس ایل کے جاری سیزن میں کراچی کنگز نے چھ جبکہ کوئٹہ گلیڈی ایٹرز نے چار میچز کھیل لیے ہیں۔ اس طرح سے کراچی کنگز نے چھ میں سے تین جبکہ کوئٹہ گلیڈی ایٹرز نے چار میں سے دو میں فتح حاصل کی ہے۔یوں پی ایس ایل 10 کے پوائنٹس ٹیبل پر اس وقت کراچی کنگز کا دوسرا جبکہ کوئٹہ گلیڈی ایٹرز کا پانچواں نمبر ہے۔کراچی کنگز کی ٹیماس میچ میں ڈیوڈ وارنر (کپتان)، ٹِم سائفرٹ (وکٹ کیپر)، جیمز ونس، شان مسعود، عمیر بن یوسف، خوش دل شاہ، محمد نبی، عباس آفریدی، حسن علی، میر حمزہ اور فواد علی کراچی کنگز کی ٹیم میں شامل تھے۔کوئٹہ گلیڈی ایٹرز کی ٹیماس میچ میں سعود شکیل (کپتان)، فن ایلن، رائلی روسو، کوشل مینڈس، مارک چیپمین، حسن نواز، فہیم اشرف، محمد وسیم، محمد عامر، خرم شہزاد اور ابرار احمد کوئٹہ گلیڈی ایٹرز کا حصہ تھے۔